من الاسئله اللى ديما بتسئلها نجيب ايه فى النيش..؟
1.الطقم الصين ..
لو عندك نيش بس هاتى نص طقم صينى ام لوعندك سفره كامله يبقا جيبى طقم صينى كامل علسان البوفيه
ويستحسن يكون مش غالى اوى ديما خير الامور الوسط 
2.طقم الشاى..
ده كمان مش شرط يكون غالى اصلا مش بيستخدم خالص
3.طقم الشربات ..
كفايه اوى اتنين وممكن تجيبى واحد بس عادى ومش لازم غالى انتى ممكن تجيبى واحد ساده وتحطى عليه اشكال زى الورد والحاجات اللى بتكون على اطقم الشربات الغاليه لو هتجيبى اتنين هاتى واحد لون وواحد كرستال
4.الكاسات.. 
6 اطقم كاسات ولو عوزه اقل مفيش مشكله وبفضل يكون الونهم مختلفه يعنى متشتريش الكاسات كلها الوان او كلها ساده التنوع مطلوب 
اما بنسبه لكاسات التقديم انا بفضل انهم يكونه طقمين زى بعض علشان لو كاسات اتكسرت منهم يبقا فى الاخر يكونلك طقم وحتى لو جالك ضيفوف كتير ميكنش الكاسات اشكلها مختلفه
5.طقم الخشاف ..
كفايه واحد فى النيش ويكون سعره معقول 
6.شنطة المعالق ...
واحنا اتكلمنا فى الموضوع ده وقلنا انك مش لازم تجيبيها خالص ممكن تشترى علبه معالق الاندالس وهى هى نفس الخامه والله بعنى اللى هيشوفها مش هيعرف انتى اشترتيها ولا لا وهى بتكون فى حدود 150
7.صوانى التقديم ..
وده حاجه مهمه جدااااأا لانى بشوفع عرايس بتشترى منها كتير اوى يا جماعه هو بيتك مش محل انتى اشترى طقم نضيف وخلاص ولو حبا انك تزوده جيبى وحده من الصوانى النضيفه 
يستحسن انك لما تروحى تشتريها هاتى معاكى مغناطيس علشان تعرفه هى كويسا ولا لا

( هاتى حوامل الاطباق البلاستك للطقم الصينى ولو الطقم الصينى حديث من الغالى هاتى حامل الاطباق الاستانلس لان مكان الاطباق فى واسع والنوع ده من اطقم الصينى مينفعش غير على ااحامل ده بس 
وهاتى حوامل الطبق الواحد هاتى من الكبيره دسته ومن الصغيره دسته )

وبنسبه ليه انا مفيش حاجه تانيه مهمه كفايه اوى كده لان الحاجه لما بتكون كتير فى النيش بتكون مش حلوه وبالله عليكم متهتميش بكلام الناس خااااالص ده حاجتك انتى واصلا مفيش حد بيسيب حد فى حاله خديها قاعده