الموضوع منقول للافاده :خزين
خزين كل عروسه هيفيدك بجد
والرفايع اللى محتاجناها فى كل بيت
منها الاساسيات ومنها الرفاهيات
وكمان المنظفات وترتيب التلاجه
وكمان حاجه مهمه جدا
صيدليه البيت وايه اللى لازم يكون موجود فيها
نبداالاول بالخزين
وزى ما قولنا فى موضع الفرش انك بتروحى قبل الفرح بيومين تودى الخزين وتكلمى فرش السجاد واللمسات الاخيره
هيتقسم ال
بقاله جافه
بهارات
خضار وفاكهه
لحوم واسماك
عصائر ومشروبات
بقاله غير جافه
لوازم حلويات
وحاجات الثلاجه
الفريزر
نبدأ بسم الله
اولا
بالبقاله الجافه
مكرونات انواع
اسباجتى مقصوصه اقلام شعريه لسان عصفور قواقع
وارز مصرى وبسمتى لو بتستخدميه
عدس اصفر وبنى او بجبه
لوبيا
بقسماط لزوم البانيهات
ثانيا
البهارات
دى الحاجات الاساسيه
لو انتى طباخه بريمو
واكيد طباخه 10\10
يبقى تجيبه البهارت الزياده
ملح
فلفل اسود حصى
كمون حصى
كزبره ناشفه حصى
شطه
بهارات لحمه
بهارات فراخ
زعتر
كركم
ورق لورى
مستكه
حبهان روز مارى
قرنفل
قرفه خشب ومحطونه
زنجبيل محطون
بابريكا
مرقه دجاج تعتبر بهارات بردو
سماق
بودره زعفران
ثالثا
خضار وفاكهه
بطاطس
بصل وثوم
طماطم
خيار
جزر
خس
ليمون
وخضار وفاكهه الموسم
خدى بالك الخضار انتى مش هتطبخى اول جوازك يعنى ممكن متجبيش خضار
وبالنسبه للفاكهه لو قعدت يومين فى التلاجه هيبقى كتير وممكن طعمها يتغير ومش هتلحق تقعد معاكى كتير ولاقدر الله ممكن تبوظ وتترمى كلها
يبقى الحل ايه متجبيش فاكهه كتير وتخلى مامتك او اختك تويها مع العشا يوم الفرح وانتو مروحين تطلعلك العشا والفاكهه على التلاجه على طول او توديها يوم الفرح الصبح
رابعا
لحوم واسماك ودواجن
هكتب جمب كل حاجه افكار واللى عايزه طريقه حاجه تقولى
اللحوم
لحمه مكعبات
للطبخ او الفته او تتعمل بصوص الثوم او صنيه فى الفرن او بالبصل او كبسه
لحمه مفرومه
عصاج او كفته
بفتيك
بفتيك مقلى او كباب حله او بالبصل
كبده
مشويه او اسكندرانى او بالرده
سجق
محمر او بالبيض او مطبوخ بالبطاطس او بيتزا او بالمكرونه او شكشوكه
الدواجن
فراخ كامله
للسلق علشان الشوربه اللى بيتعمل بيها حاجات كتير
وبعدين تتحمر او تتحشى و ع الفرن او تتقطع وتتقلى بالبقسماط
وراك مخليه
صنيه بطاطس او بالبصل او مقليه بس تفتحيها كويس علشان تستوى
او محشيه
كبد وقوانص
بالبصل والطماطم فى ارز معمر فى ارز بالخلطه اومحمره بالتوم
دبابيس
مقليه بالبقسماط عادى او كنتاكى او صنيه
بانيه
مقلى شاورما كباب حله او كبسه او مشوى او نجرسكو
اجنحه دجاج
مقليه بالبقسماط صنيه بالبطاطس من غير طماطم
مشويه
بط بلدى
محشى مسلوق ومتحمر فى الفرن
حمام
مشوى محشى
سمان
مشوى محشى مدفون فى رز معمر
ارانب
مسلوقه متحمره فى الفرن
الاسماك
انابفضل تشتريها طازه احسن
لان السمك مالهوش روح
لو اتفرزوقت طويل طعمه بيتغير وانسجته بتفك
نيجى بقى للعصائر والمشروبات
حبيبتى حبيبتى دى
عصائر فواكه الموسم اللى انتى فيه
عصائر الموسم اللى فات
اللى انتى مخزناهم وده هنتكلم فيه فى جزء الفريزر
عصائر سريعه لاتحضير زى التانج
والتمر هندى المركز والشربات بانواعه
شاى احمر واخضر
نسكويك كاكاو
نسكافيه بانواعه اللى تحبيها
بن قهوه
لبن جاف
اعشاب يانسون نعناع حلبه حصا كراويه كركديه
ملحوظه هتحتاجى عصائر طبيعيه كتير علشان تحافظى على صحتك ونضاره بشرتك وصحه زوج المستقبل
بقاله غير جافه
خل
زيت قلى
زيت ذره
زيت زيتون
زبده
سمن
طحينه
مايونيز
مسترده
صويا صوص
دبس رمان
واى نوع صوصات بتستخدميه ٍ
لوازم الحلويات
كاكاو
فانيلا
بيكينج بودر
خميره
شيكولاته خام
نشا
جيلى
كاستر
صوصات بودر
كريم شانتيه
جوز هند
دقيق ابيض
دقيق سميد
عسل جلوكوز
ولو انتى بقى مالكيش تقل على عمل الحلويات فى البيت
وخاصه انك لسه عروسه وبيجيلك ضيوف كتير
يبقى اشترى علب الكيكات الجاهزه والبسبوسه والايس كريم
حاجات التلاجه وترتيبها
منتجات البان
جبنات بانواعها اللى تفضليها
لبن وزبادى
بيض احمر وبلدى
عصائر
ومايه طبعا
كميات صغيره من الخضار زى الخيار والطمامط والليمون والجزر الخضار اللى ممكن يتاكل نى
يعنى مش للطبخ
واى حاجه زياده حسب حاجتك وتكون بتتحط فى التلاجه
طيب نكلم عن فرش وترتيب التلاجه
ملحوظه
كل اللى انا كتباه ده مش لازم يتجاب كله انا بقولك كل اللى موجود فى السوق كل ده كتير طبعا جدا جدا فى ناس مثلا مس بتحب اللحوم الحمرا هتزود فى الدواجن
ناس مش بتحب السمك هتزود فى اللحوم والدواجن ومش شرط تجيب بط وفراخ وحمام دىاختياااااااااااااااااااااارات مش اكتر والموضوع نسبه وتناسب اللى مياله ليه اكتر زودى منه واللى مالكيش تقل عليه انتى وزوجك قلل منه
وطبعا لو انتى مسافره شهرعسل يبقى هتجيب على قد احتيجاتك فى الفتره اللى قبل ما تسافرى فيها لو هتسافرى على طول يبقى تخلى اختك او مامتك توديلك الخزين قبل ما ترجعى بيوم وتجهزلك اكل
تمام كده دى مجرد اختيارات والكميات تكون بسيطه واللى تحتاجيه هاتيه بعدين مش شرط تجيب 6فرجات و6كيلو لحمه والكميات الكبيره دى ده انتو اتنين بس هاتى على ادكم وفى الاول اكيد هتتعزمو كتير اول الجواز تمام كده ملحوظه تانيه الخزين ده كل عائله او بلد ليها عوايدها فيه العورسه هى اللى بتجيب الخزين وفى العريس الموضوع هنا مش بيتكلم فمين اللى هيجيب الموضوع بيتكلم عن الحاجات اللى المفروض تكون موجوده فى البيت وفى الحالتين انتى اللى هتشترى سواء انتى اللى هتدفعى ولا العريس
فرش وترتيب التلاجه
اولا
هتمسحى التلاجه كويسه بمايه وشويه ديتول صغيرين جدا
وتنشفيها كويس
وتفرشى مفارش التلاجه
طبعا عارفين المفارش بتاعت التلاجه اللى بتكون حوالى 5 قطع
هتفرشيهم
وتبدأى بقى ترصى حاجتك فى التلاجه
الرف الاول بفضل يكون للحاجات اللى بتستخدميها كتير واللى صلحيتها مش طويله
زى ايه
زى الجبنات والزبادى
او الحاجات الخاصه بالفطار والعشا
طيب الجبنات دى طبعا هنحطها فى لاعلب البلاستيك او البايركس بتاعت التلاجه ونقفل الغطا كويس
ونرصهم فى اول رف
تانى رف وتالت رف
هتحطى الخضاروتفضى الخضار من الاكباس متحطيش حاجه فى التلاجهب الكيس بتاعها خالص اوى بيخلى الحاجت تبوظ بسرعه
وثانيا بيبوظ شكل التلاجه
طيب هنحطهم فى ايه
هتحطيبهم ياستى فى الاطباق البلاستيك كل حاجه فى طبق خاص بيها
الرف الاخير هتحطى فى اى حاجه زياده عندك
كيب لو جايبه حلويات
يبقى هتخليهم فى تانى رف من فوق بعد الجبنات وفوق الخضار
الادراج هتحطى فيها الرز والمكرونه والدقيق
زى ماقولنا بناخد كميات صغيره نخليها بره والباقى فى لاتلاجه علشا الرطوبه والكتمه فى الدواليب بتخلى الحاجه تسوس لاقدر الله
و كمان حاجات الحلويات اللى اتكلمنا عليها قبل كده
طيب باب التلاجه هنحط فيه ايه
هتحطى البيض فى مكانه طبعا
والرف الاول فى الباب هتحطى اللبن فى الشفشق بتاعه وياريت يكون شفشق زجاج وتاخدى على قد ما تحتاجى فى كنكه او كسروله والباقى يبفضل فى الشفشق فى التلاجه
او زجاجات اللبن المبستر
والصوصات
والرف الاخير هتحطى زجاجات المايه لو معندكيش كولر او مبرد المايه
الفريزر هتخزنى فيه الحاجات اللى قولنا عليه ده لو معندكيش ديب فريزر
طيب لو عندك ديب فريزر هتحطى ايه فى الفريز بتاع التلاجه
هتحطى الحاجات اللى بتتخدميها باستمرار زى التوم مثلا
كام كيس صلصه
طيب الثوم ولاصلصله بيتخزنو ازاى اصلا
الثوم
فى وقت بيكون الثوم لسه طالع وطرى كه وبيكون رخيص اشترى كام كيلو وشيلى القشره الاولانيه من راس التوم وجزء من الزعزوعه هتلاقى الراس لسه طريه حتى القشر بيكون طرى فاحنا هنستفاد بيه وهنشيل القشره االاولانيه بس ونفصص الراس بالايد كده وتحطى فى الكبه ومعاها شويه ملح وحبه خل وممكن نقطه زيت
تحطى طبعا كذا راس فى الكبه وتضربيها مرتين تلاته كده وبس علشان متنعمش اوى وتعبى فى برطمانات وعلى الفريزر
الصلصه
وقت ماتكون الطماطم رخيصه اشترى كتير من اللى هى مستويه بس مش اوى
وهاتى حله كبيره واغسلى الطماطم كويس وحطيها فى الحله معاها شويه مايه صغيره علشان الطماطم هتنزل مايه
وتسبيها تتسلق كويس اوى
ولما تبرد شويه
ع الخلاط حطى واضربى جامد وةممكن تصفيها وممكن لا
وتعبيها فى اكياس السندوتشات على قد الاكله
طيب لو طلعت كتير ع الاكل هتعكملى ايه هتطلعى الكيس وهو متجمد تسبيه شويه يفك حبه وبالسكينه والشاكوش طسرى حته على قد ما انتى عايزه والباقى حطيه فى كيس نظيف ورجعيه الفريز تانى
قشطه كده
نرجع لمرجوعنا
الفريز وهتحطى فيه ايه
هتحطى كمان العيش لو عندك عيش زياده هتحطيه فى كيس وع الفريز وقت ما تحتاجيه هتلاعيه مافيش قثوانى هتلاقيه فك وبقى جميل زى الطازه
تسخنيه حاجه بسيطه اوى يادوب يلمس النار وهتلاقيه كأنه طالع من الفرن حالا
هتحطى ايه تانى ممكن بسطرمه وسجق تحطى مثلا عجينه او كيك فاضل منك
اى حاجه بتستخدميها كتير
تمام كده خلصنا التلاجه
ندخل فى موضوع تانى
اللى هو ايه
رفايع البيت
فى حاجات بتكون فى البيت ومهمه جدا ومش بتكون تحت اى بند من بنود التجهيزات وغالبا بننساها
اللى هفتكره هكتبه ولو فى حاجه ناقصه ذكرونى ونضيفها
معطرات البيت والحمام
مناديل ورق للغرف والسفره والتواليت
اكياس تلاجه
ورق فويل
بلاستيك رول
عده الخياطه مقص خيط ابيض واسود زرايرز متنوعه دبابيس
استك ابر
سلوتيب عادى وعريض
ورق زبده
ورق الكاب كيك
عده صيانه
زى المفكات والبينز والشاكوش وشويه مسامير
لاز يكون فى البيت صيدليه تحسبا لاى ظروف
قطن وشاش ومكروكروم
او بيتادين او ديتول اى مطهر
علاج للانفلونزا
علاج للصداع
مسكن
علاج للاسهال
وملين
مطهر معوى كريم للحروق
كريم للالتهابات
علاج للمعده والحموضه
قطره للعين مطهره
طيب عندنا المنظفات
صابون سايل
كلور للغساله عادى والوان
ديتول
صابون
جلانس للزجاج
معطر سجاد واثاث
فلاش منظف للحمام
داونى او معطر ملابس
مسحوق غسيل
زهره لو بتعرفى تستخدميها
صابون سائل للايد واحد فى الحمام وواحد فى المطبخ
انا تقريبا كده خلصت
لو فى اى اضافات ياريت تزودو في كومنت
