قصيدة الفقير
============
لوكنت طيب او يعنى فقير كفاية تشرب مية نيل
واوعى فى يوم تعيا يافقير دى الصحة نعمة وكنز كبير
لابرد تشعر اوحتى بجوع لو كلت لقمة يقولوا مفجوع
تنام وتاكل رز كتير مع الملايكة تشبع ياجميل
وهواء تشمه وهو عليل ترابه يطرح ورد النيل
منحوس بتشكى كتير وقليل ماكنت تبقى يعنى امير
مجنون وعايز كده فى فلوس كفاية تفضل كده
بلبوص عايزها ليه يا ابن الفرطوس قلتها نعمة ونام فى الكوز
لا فيلا تطلب او حتى شاليه فى الاخرة حظك قصر يا بيه
اوعاك فى مرة تكون مرضان وعنيك تفتح وتكون سهران
ده غداك فى نومك يافقران ولا تبقى محتاج او حران
ده رجيم طبيعى وبالمجان عودك نموذج ويعنى جنان
ولا تشتكى وتقول الاه دى الشكوى بدعة لغير الله
وعايز فى شقة بأربع جدران اسراف بشدة وكفاية بطران
فى الاخرة عندك قصر كبير طبع ليه بتطمع فى التبذير
لحمة مضرة ويعنى دهون واللى ياكلها يكون مجنون
وفراخ بتاكل فى هرمونات بلاش تاكلها انت بالذات
وسمك ده شوكه يقف فى الحلق يخنق يموت يعنى الخلق
والزرع مرشوش بالمبيدات لاتاكله برضه انت بالذات
تصوم وتكسب فضل كبير وفى الاخرة جنة ليك يا فقير.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون