انتوخه وفلعوص

ســـــــــرقتم منى كل حــــــاجه --------- وتقولوا يا ابنى كل حـــلال

بحته قطــــــنه من الحــــــــلاجه -------- تبقى الحــكايه عال العـــال

صحيح ح تبقى فيها مجـــــــاجه -------- لكـــــــن ارحـــم من الاذلال

طــــلعت اعاره لحـــــــد سفاجه --------- رجعت ماشـى بتلاته ريال

ح اعيش العمـــــــر جوه زجاجه --------- كأنى عايش فى الادغــــال

حـــطيت المـــــــيه فى الثلاجه --------- وقلت ياريتنى اكـــون بقـال

وراســــــــم عليها ورك دجــاجه --------- واتصــــــــور بيها مع العــزال

واولع نار وتكـــــــون اجــــــــاجه --------- كأنى ح اشوى الف غــــزال

ورسمت سمكه على الصـاجه --------- اتعاركوا عليها ست عيــــال

داب قميصى بكل فجــــــــاجه ---------- صوتى يا وليه على الاهمال

ردت عليــــــــــــا بكل سماجه ---------- هات الاوبيــــــــك يا ابو دلال

قلت الصــــــــراحه بكا سذاجه ---------- اكيد دابت مع الســـــــــروال

ما دام الـــــــدوله بقت غناجه ---------- يبقى ح نرقص با اســتهبال

رئيس حجاج ومـــراته حجاجه ----------- ســــرقوا فلوسنا با البطال

والبنك الدولى بنك خـــــواجه ----------- ســــأل عــــنا الف ســــؤال

لو تسكت شــــعوبنا الهياجه --------- ح يبعتر فلوسنا يمين وشمال

وادى اخــــــرتها الحره لقيتها ---------- باعت شــــرفها لميت محتال

بقلم / وهاد الطاووس

وجدى ابراهيم مصطفى