الشوق ) بقلم/ علاء زايد
********************
ماتبعديش عنى عنيكى
وماتشغليش روحى عليكى
ماتقتليش الشوق فى ساعات
يشتاق لها قلبى إليكى
خلينى دايما كده على طــول
أشتاق إليكى وشوقى يطول
وأحـــس روحى إن إنت معايا
ويبات خيالى بيكى مشـغول
يفضل هواكى هوه منايا
والنن جوه النن يقول
حبيبى ليك حبى بيزيد
لو إنت جنبى لو إنت بعيد
ولما تلمس إيدى إيديك
ترقص مابينها تقول خليك
عايش معايا وأعيش لياليك
تفرح بحبى وأفرح بيك
بكل حرمانى بناديك
بسنين حياتى مستنيك
دا أنا كل عمرى وهبته ليك
وبقول حبيبتى يافجر عمرى
ياأحلى حاجه ياكل أملى
ماتبعديش عنى عنيكى
وماتشغليش روحى عليكى
ماتقتليش الشوق فى ساعات
يشتاق لها قلبى اليكى......

• ‏