-----بالتمام محسوب معادى-------------كنت عايش دنيا وردى

وقلبى كان مبسوط وهادى
شفت حيره جوه قلبى
لما قرب عيد ميلادى
السنين بتعدى تجرى
وقلت يمكن برضو عادى
والنتيجه تقص ورقه
والشهور للعمر سارقه
والتاريخ ولا عنده فارقه
هجرى كان او كان ميلادى
وافتكرت سنين طويله
عدت وما باليد حيله
والذنوب كانت تقيله
وقلت يمكن اعد زادى
والعتاب كان جوه نفسى
ليه بتعصى وليه بتقسى
رزقى مكتوب اوعى تنسى
وبالتمام محسوب معادى
كل مولود له بدايه
واخرة المشوار نهايه
امر ربى وجايه جايه
وقلت ربى احسن ختامى
لما قبرى فى يوم ينادى
-------؛- بقلم/ هشام عبد الجواد مشالي