مجلس عسكرى يحكم البلاد هناك من يؤيد وهناك من يعارض وهناك من يشاهد وهو صامت.هتافات تقول يسقط يسقط حكم العسكر .وهتافات تقول الجيش والشعب ايد واحد.اولا لا يستطيع الشعب المصرى ان يعيش بدون الجيش ولكن يعيش بدون المجلس العسكرى الذى هو يدير الجيش وهو يختص بالعسكرية وليس السياسة التى تحم شعب مصر .وارى ان المشير طنطاوى كان من عهد الاسطى مبارك يبقى ليه نأمنه.اللى بيموتوا فى التحرير مين بيموتهم اكيد ايد تالتة اللى احنا منعرفش هى مين.  وبما ان المجلس العسكرى بيقول فى ايد تالتة يبقى هو غير قادر على ادارة البلاد.ما هو انا فى بيتى انا وجوزى ودخل علينا حرامى وانا مقدرتش ادافع عن بيتى يبقى اكيد هتطلق.زى فيلم كدة اتفرجت عليه بتاع عادل ادهم لما دخل يتهجم  على مرات كتانلة وكتانلة واقف بيعيط يبقى اكيد كتانلة مش راجل يعنى ما فيهوش سمات الرجولة اللى هى النخوة مثلا هو دة المجلس العسكرى معنديهوش نخوة يبقى الشعب يطلب الطلاق ولا انا بتكلم غلط .المهم انا شايفة ان مصر لسة لحد دلوقتى الرئيس بتاعها ما بنش ومظهرش ودة كلام كل المصريين .وبما ان مصر قالت ثورة يبقى الثورة على كل شيئ احنا غلطنا لما موقعناش كل الكيانات المصرية وعملنا اعادة هيكلة وبنيناها من جديد.بس انا شايفة ان مصر راحة على ثورة جديدة يوم 25 يناير وانا هكون خلصت امتحانات وان شاء الله هنزل التحرير.ويارب انصرنا على الطبال والرقاص وولاده.

تعيش بلادى بلد الفراعنة حرة ابيه