نعم للدستور بشروط
مصر وكل مداينها
اغلى البلاد اوطانى
امسح دموعها واحزانها
وافديها بروحى وخلانى
وان تنادينى افضالها
واجند روحى وايمانى
واوافق بايدى على دستورها
ان وافق ظروفى وحرمانى
يضمنلى عدلها وأمانها
ويا كرامتى وامانى
لا واسطة تحصل فى زمانها
ولا فوت علينا بكرة تانى
دستور مافيهوش ظلم لولادها
ولا يسجننونى بسببها
فى امن الدولة وحدانى
حرية جوامعها وكنايسها
اعرف اوصل لريسها
من غير ما يشدو ودانى
ولا يحرمونى من خيرها
واشد على بطنى حزامى
ولا يستباحوا منازلها
من غير اذن قضائى
اسافر وارجع عشانها
ماهى حروفى وعنوانى
اعيش مش خايفة سجانها
اوصل لكل بيبانها
من غير ما يقطعوا لسانى
اشارك انتخابتها واحزابها
طرف فى العقد الاجتماعى
يدينى الحق فى اراضيها
اكل وازرع فيها
من غير سرطنة ولا سم وبائى
اركب مواصلة فى شوارعها
واوصل سليمة لعنوانى
لو هو ده دستورها وكيانها
اوافق عليه بكل كيانى
عاشقة ترابها وجدرانها
واسمها تسبيح على لسانى
الشاعرة الغنائية مرفت موافى
