ايوة فبل ماتسبنى 
وتخسرنى كان لازم بايدك تموتنى
حتى الموت جربته فحبك
واعمل ايه تانى 
انا مش عايز غير قلبك
فكر فيا يا انانى
الايام بتعذبنى
والفكر يجبنى وياخدنى
بعدت ليه عن حضنى؟
قبل ما تفرح قلبك
قبل ما تسعد حبيبك
قبل ما تفوتنى 
كان لازم بايديك تموتنى
خلاص ما بقتش محتاجلى
ولا هتدور على قلبى
ولا ييجى يوم وتشتاقلى
وتتمنى تعيش جنبى
ولا مرة باسمى تندهلى
وتقولى تعالى ياحبى
لقيت قلب تانى تدارى فيه
لقيت حضن تانى تعيش ليه
بعدك عنى كسرنى
وذلنى
ويعدنى عن دنيتى وهدنى
ما فكرتش فيا انا هعمل ايه
طاب انا بعدك هعيش ليه
معقول هتنسانى
وتنسى زمانى
ولما كانت تميل بيك الدنيا 
وادفيك بحنانى
لما كنت تقولى انتى امى بعد امى
انتى الدفا انتى الوفا 
وتغنيلى احلى اغانى
هتبدأ دنيا جديدة وتسبنى هنا
هتخليها سعيدة وتدوقها الهنا
ما سالتش نفسك هعمل ايه انا
كان لازم تفكر فيا 
كان لازم تسال عليا 
بدل ما تهددنى انتا 
كل شوية هتسبنى
وانتا عارف ان البعد هيعذبنى 

كان لازم بايديك تموتنى
الشاعرة مرفت موافى