يا حلو ياللى الدنيا بتضحكلك
هتضحك عليك وانتا الكبر واكلك
ياللى الغرور توب لابسك
ارجع لورا سنين
وافتكر اهلك
اذاى كانوا شقيانين
اهلك لا تهلك
ماتطاوعش الشيطان
لما يندهلك
ياللى طارح عالشجر عنقودك
ارجع قبل ما القطر يفوتك
رد الجميل لسبب قوتك
فارد جناحك ليه
دا عمر بنقضيه
اعمل حساب الزمن ليهد جبروتك
ياللى معاك ربنا من غيره راح يديك
دا العبد اللى انتا تابعه ياما هيوريك
ياللى ماشى بتتمخطر وتقول انا عظيم
وعلى الناس تتكبر وانتا اكبر لئيم
خاف من ربنا الرحيم
وحاسب من انتقامه لا متلاقيش مليم
كل شئ زايل الا وجهه الكريم
واخر نصيحة منى ابعد عن الحريم
اللى يعملهم تجارته
يزرع ويحصد خسارته
اشغل نفسك بربك
وداوم على عبادته
ومهما كانت ذنوبك
ومهما كانت عيوبك
غفران ربك عظيم
رسالة الى كل متكبر وينسى ان الله اكبر بقلمى مرفت موافى
