اسفة
بتلوع قلبى وبتزله
وعايزنى كمان
احفظ عهدك
وانا هاخد ايه
بعد دا كله
روح الله يحرق قلبك
عيشتنى سنين رحالة
ماارتحتش فى الدنيا ديا
وكل يوم تجينى بحالة
وحياتى معاك توهة قوية
ارسملك بخيالى دنيا
عشان انتا تعيش فيها
دنيا لك وحدك
اسهرلك لياليها
والون ايامى الجاية
واتمنى وجودك لو ثانيةً
انا شايلة عشانك الهم
وانتا بتهد فيها
اسفة مافيش اعذار
ولا عشان خاطرى ياروحى
انا شفت معاك مرارا
لما خلاص طلعت روحى
واللى كتبتله اشعار
ليل ونهارحالف
يتكى على جروحى
اسفة وقلبى حزين
اسفة وشايلة حنين
وجراح كل المجروحين
ومش باقية على العشرة
اسفة وفاتوا سنين اتحملت انين
واتعلم الخدين بصوابعك العشرة
الشاعرة مرفت موافى
