من يوميات الحناكيش........ بقلم يسرا العجمي

يا اللى عملي الفيس دا ستاره***** ولامم كل الناس حواليك

وانت يوماتي عالدردشه بايت ***** رغي فى رغي ولا بانش عليك

كنت لابسلي الوش الطاهر ***** وانت ملاك اسم الله عليك

دخلت واحده غمزت غمزه ***** قمت وقعت ولا سموا عليك

همايدوب ليلتين على الفيس ***** طار النوم من جوه عنيك

كنت فاكرها زي اياهم  ***** حاضر... طيب....ملك ايديك

طلعت بنت .... انما راجل*****  عاشت دور الحب عليك

حلفت يوم لتخلص منك ***** ذنب الناس اللي اتغشوا فيك

قالت...دوق جرب ناري*****  زي ما كانوا بيهونوا عليك

جرب نارالحب ولوعة ***** قلب فى يوم اتعلق بيك

كل الذنب اللي فى يوم عمله*****  انه يا عيني حاول يرضيك

لازم بعد الضحك دا كله*****  يصبح نهر دموع فى عنيك

كنت يوماتي بتدبح واحده  وتجرح واحده*****وانت بريء ما يبنش عليك

كنت يوماتي بتوعد واحده*****  عمرها يوم ماتكون غير ليك

فكك بقي من دور الواعظ ***** وفض اللمه من حواليك

اللي غايظني وحارق دمي*****  ازاي كل الكذب دا فيك

كل كلامك كان وياهم*****  قص ولزق... مين زييك

حتي ماحاول انه يجدد*****  كل غناه كان  نكش الديك

شوف دلوقتي بتتمناها ***** ريح نفسك عمرها ابدا ما كانت ليك

اصل الدنيا يا صاحبي دي  ديما ***** يوم ليك ويوم عليك

    ((( يسرا العجمي )))