بقى دلوقتي فلتذهب حقوق الانسان للجحيم امام امن مصر يا سيادة المستشار
الخضيري هو امن مصر دة بتحددوه على مزاجكم وبناء عليه بتطبقوا حقوق الانسان على مزاجكم برضه ولا ايه امال كان فين الكلام دة ايام ما كنا بنصرخ ونقول لكم بلاش تدعموا المخربين اللي قدام الداخلية بتوع الطوب والمولتوف . وكنتوا تقعدوا تقولوا حقوق التظاهر والاعتصام والزفت دلوقتي بقيت بتستشهد بكاميرون وبتسمي مظاهرات بريطانيا تخريب وبتستشهد بيها على ايه ؟!!! على حرمان مواطنين من حقوقهم السياسية بقانون متفصل عشان مصلحتكم الشخصية رغم ان في قانون للعزل موجود اصلا لكن بناء على حكم قضائي طبعا انتوا لو عندكم حاجة ضد سليمان ولا شفيق ولا عمرو موسى كان قدمتوها للقضاء من زمان زي بقية الفاسدين لكن مافيش عندكم حاجة ضدهم تقوموا تفصلوا قانون يحرمهم ويحرم مؤيديهم اللي شفتوهم في الشوارع واللي هم كمان جزء من الشعب المصري شئتم ام ابيتم ولا دول كمان حتسحبوا منهم الجنسية ؟!! بقى بتستشهدوا بالثورة الفرنسية والاعدام وووووو طيب احنا عايزين اعدام للي شجعوا على اقتحام السجون وحرقوها وموتوا جنود شرطة ابرياء وجنود جيش كمان ومواطنين راحوا ضحية الانفلات الامني ووالله العظيم والله العظيم انا مش فلول وكنت سابقا ثورية لأقصى درجة بس بعد اللي الواحد شاف منكم وعرف حقيقتكم بعيدا عن الاعلام المنافق تاب وبعدين يا دكتور كتاتني الوزير ما غلطش انتوا الجهل بينقط منكم ولولا ان صوتكم عالي بس انما كل كلامكم غثاء ليس فيه غير علو الصوت مستكبرين اوي تتعلموا ؟!!! هو لما تبقى معاكم اصوات الشعب معناها تتكبروا على الكل وتفكروا نفسكم اعلم العلماء ؟!!! عيب اوي عيب عيب لما تكونوا حالفين بالله على احترام القانون والدستور وبعدين تخالفوه بمزاجكم باسم الثورة ولا انتوا بتستحضروا الثورة وقت ما القانون مش عاجبكم وتتمسكوا بالقوانين لما تبقى في صالحكم وبعدين المادة 28 دي مش انتوا اللي روجتوا للتصويت عليها في الاستفتاء ؟!!! واشمعنى التزوير حيبقى دلوقتي ما القضاة هم نفسهم اللي اشرفوا على انتخاباتكم لو حد كان عايز يزور كان اولى يزور في البرلمان اللي حيختار لجنة الدستور وحيشرع ويستحيل القضاة دول يتفقوا على تزوير والا ما كانش مبارك شال الاشراف في آخر انتخابات لو كان القضاة بيزوروا عيب عليكم عيب اوي اوي وبالمناسبة موضوع التلت فردي والتلتين قايمة دة احب افكركم ان انتوا اللي وجعتوا روسنا به وطالبتوا به رغم ان المجلس العسكري كان رافض عشان ما يبقاش المجلس مطعون عليه وآخرتها اضطر يرضخ لجهلكم وغباءكم وبقيتوا مهددين بالحل من عمايلكم السودا وياريتكم تتحلوا عشان الشعب قرف خلاص من الجهل اللي بيشوفه
