برنامج تطهير للمزرعة    

هنتكلم عن حاجه مهمة جداً النهاردة وهى تطهير المزرعة بعد الدورة وده شئ مهم جدا جدا ويعتبر أساسى فى محاربة الأمراض الفيروسية ....هنتكلم ببرنامج مكثف للتطهير قد يرى البعض فيه بدائل أخرى ولكن الهدف هو التطهير بالمواد السهلة للمربى الصغير قبل الكبير......يعنى ممكن تستبدل بعض المطهرات بأسماء تجاريةأخرى.

من أهم الحاجات هى مرحلة النظافة والغسيل للعنابر ولازم هنا نتكلم عن حاجات معينة أهمها انك قبل شيل السبلة بتديها رشة بملاثيون أو بيوتكس عشان السوس والحشرات الزاحفة تقضى على معظمها. والحاجه التانية فى الغسيل والمطهرات انك لازم تعرف ان لكل مطهر ومنظف مدة لملامسته للسطح اللى هيشتغل عليه يعنى ماتنظفش المزرعه وتغسلها وتشيل المنظف على طول.

شوف بقا ياسيدى ......تعالى نتكلم سوا عن التنظيف والغسيل ودى مرحلة تسبق التطهير وهى مهمة جدا جدا .....لازم سيادتك تهتم بيها جدا ....لازم تشيل السبلة ....وتكحت تحتها .....وتشطف المزرعة كويس قوى قوى قوى بحيث ماتسيبش فيها ولا حتة إلا لما تغسلها سقف ...أرضية ...حوائط ..معدات ....كل شيء يتغسل بماتور ضغط عالى لإزالة السبلة وأثار الدوة السابقة . بعد الغسيل بتسيب المزرعة تنشف كويس قوى قوى قوى .

المرحلة التانية انك تعمل صيانة للمزرعة من شبابيك – من سلك مانع للحشرات – من سد شقوق فى الحوائط.

المرحلة التالتة : انك تغسل بماء وصابون سائل أو منظف جميع أجزاء المزرعة وتسيبها برضه تنشف ...يعنى تسيب الصابون عليها عشان يتفاعل مع المواد العضوية لمدة معينة تتجاوز 3-5ساعات وبعد كده تشطف .

المرحلة التالية هى انك بعد ماتشطف بتسيب المزرعة تنشف وفى اليوم التالى بتبدأ التطهير :
-هتبدأ فى الأرضيات بغسيل بفنيك بتركيز 10% ....خلى بالك ان ده للمبانى فقط وتترك لليوم التالى .
- هتطهر بكلور بنسبة لا تقل عن 5% وده لكل أجزاء العنبر....وأوعى تنسى تسيبه لتانى يوم .
- هنطهر الأرضيات بصودا كاوية (خلى بالك من كلمةكاوية ....يعنى لاتلمس معدات ولا أشخاص ) لا يقل عن 2% تركيزها وممكن يزيد حتى 5% ولازم تشتغل فى ميةدافية وتسيبها عالأرضيات حتى تجف.
-هترش بفورمالين تركيز لايقل عن 10% لجميع المبانى وده مهم جدا جدا جدا ...خصوصا فى الفيروسات والوبائيات بس هنا لازم نقول كام ملاحظة عليه .......أهمها انك لازم تاخد بالك ان الفورمالين مادة مسرطنة ....خلىبالك خلى بالك منها وجلدك وجسمك.....الحاجه التانية عشان تستفيد من كفاءة الفورمالين لازم تدفى العنبر وتقفله عشان يشتغل ....يعنى ارفع درجة الحراة واغلق العنبر لمدة لاتقل عن 18 ساعة .
- هتفتح العنبر وهترش الأرضيات بملاثيون أو بيوتكس عشان الحشرات الزاحفة 
- هترش أرضية العنبر بطبقة جير وتدهن الحوائط بجير وملح ......
- هتفرش النشارة ويفضل الا تقل عن 8 سم فى الشتاء.
- هترش النشارة بفيركون اس بواقع 10 جرام لكل لتر ماء مستخدم فى التطهير.
- أخر حاجه : هتدخل المعدات كلها وتجيب قوالب تبخير فورمالين وتبخر عنبرك وتقفله حتى قبل استقبال الكتاكيت ب48 ساعةإبدأ هوى العنبر .....ودفى العنابر لإستقبال الكتاكيت .

طب بالنسبة للمعدات : أهم حاجه انك تغسلها كويس قوى بمنظفات – خطوط النبل والمعالف والخلايا نفس الكلام ...هتستخدم مطهرات خاصة بخطوط النبل عشان التكلسات والترسيبات اللى فيه ......وماأكثر المطهرات الخاصة بالمعدات والخلايا...ممنوع استعمال اى مطهر بيتبقى أثره فى المعدات عشان مايأثرش على التحصينات الحية فى المية
.....البرنامج ده مكثف ولكنه لكل أنواع الإصابات الفيروسية والكوكسيديا .....ومهم جدا انك تطبقه وقبل ماتطبق البرنامج اعمل جدول بالأيام عشان تمشى عليه وماتزنقش نفسك بميعاد استلام الكتاكيت.................................... د- محمد الامام