جارى التحميل
استخدم زر ESC أو رجوع للعودة
( اسم القصيدة ) : مش كنت يامه دعيالي
********
مش كنت يامه دعيالي
وفي صلاتك بين ربك رضياني
آآآآآهـ يامه يالي طول عمرك
شيلاني
جيت أبوس التراب يالي ف الهم
دعيالي
آآآآهــ يا حبيبتي يا أغلي شيئ كان
قدامي
لو كان بإيدي كنت وهبت عمري
علشانك
يا طيبه بحنانك
خذيني يامه ف أحضانك
ضميني ضمه أسبح فيها بحنانك
أفردي ضلوعك يامه وخديني في رحابك
أشم ريحك الطاهره وأبوس رجليكي وترابك
آآآآهـ يامه ولو تعرفي كنت في حقك غلطان
ساعة مرضك ما شيلت عنك وبآلآمك كنت يامه حيران
مهما جري مني ومهما كنت غلطان
مش بإيدي جالك مرضك ده بإيد الواحد المنان
وكفايه صبرك يامه أحتسبتيه عند الرحمن
أنا جيتلك يا حبيبتي أشكيلك
من غدر الدنيا وولادي أحكيلك
آآآآآآآآآآهـ يامه
من إللي شفته من عيالي
وإللي جراي منهم مخاطرش أبدا يوم علي بالي
ضيعوني وهجروا الحب من علي بابي
رخصوني في الشيبه وحصروني علي شبابي
وأبيض الشعر منهم وعفروا التراب علي راسي
وخلوا حالي غير حالي
والصعب عاد عليا وبعجزي منهم دا بقي حالي
م أنا أبنك وأنت يامه عرفاني
وطول عمري كنت جانبك وتمالي يامه دعيالي
بكيت منهم والدموع بقيت ف عيونهم حجر صواني
مش كنت يامه دعيالي
وفي صلاتك بين ربك رضياني
شلتهم ف عينيا وسفيت التراب وقلت هما إيللي ليا
وماعشتش أبدا يوم لنفسي
وضيعت عليهم صحتي وشبابي
وشلتهم برموش عنيا ولا خطر في يوم إيللي جرالي
مش كنت يامه دعيالي
أيام وسنين عمري شلتهم جوا في حضني
شيلت يامه هموهم وبإيدي مسحت دمعهم
سنين عمري أقول دول حته مني
أتعب وأسهر عليهم وألاقي الفرح ف عينيهم
مش كنت يامه دعيالي
وفي صلاتك بين ربك رضياني
هجروني يامه وسابوا الحزن علي بابي
وطالعوا علي عجزي وشيبتي
بقسوة قلوبهم أغني بموالي
لجأت لربي وسكن الإيمان في جميع أحوالي
ومش حدعي يامه عليهم علشان دول برده عيالي
ومش حقول معرفتش أربي
علشان مأكلوش في يوم لقمه حرام من أيامي
وده بلاء يامه ذي جسدي
ومرضي ده أحتسبته عن ربي
وحامد شاكرعلي كل أحوالي
مش كنت يامه دعيالي
وفي صلاتك بين ربك رضياني
كلمات :
الشاعر الجريح
علاء محروس مرسي
شاعر غنائي وكاتب مسرحي
المصدر: الشاعر الجريح
علاء محروس مرسي
ساحة النقاش