أولا مكونات عجينة السيراميك:

1- نصف كيلو غراء ابيض ... بتاع النجارين 2- نفس الكمية بالضبط نشا ...طبعا عارفينه

3- 2ملعقة كبيرة زيت الفازلين . أو فازلين وسيحه فى حمام ماء دافى. وطبعا بيباع فى الصيدلية 4- 2ملعقة كبيرة زيت برافين ........ من الصيدلية أيضاً

5- قليل من ملح الطعام الناعم جدا .. يعنى حوالى نصف

ملعقة . وذالك حتى لا تتعفن العجينة

_________________________

طريقة التحضير :

شوف يا عم الحج أنت تجيب طاسة تيفال الى مايلزقش

فيها الحاجة . وتفضى فيها الغراء وبعدين اغسلها ونشفها

وحط مكان الغراء نشا لنفس الأرتفاع الى كان عليه الغراء

وحط النشا على الغراء فى الطاسة وباقى المواد. ونقلب

بملعقة خشبية . ونضع الطاسة بالمحتويات على نار هادئة

ومع التقليب المستمر بالملعقة الخشب حتى تتكون عجينة

متجانسة . ثم تنزل من على النار وتبرد قليلا وتعجن باليد

بعد دهان اليد بالجلسرين أو كريم نيفيا سوفت أثناء العجن

الصور سوف تبين ما قلته .ماشى يا هندسة خلى بالك من

الصور وأنتا تعرف..........

حطينا الغراء ابيض . ماشى

نسيت أقولك يا أبو الكباتن ممكن تعلم بالقلم الفلوماستر أرتفاع الغراء فى العلبة

وبعد ما تحطه فى الطاسة .أغسل العلبة ونشفها وضع النشا لغاية ما يوصل للعلامة

حطينا النشا خلاص . حط باقى المكونات بالمرة

حط الكلام ده كله على نار هادئة وقلب بأديك الحلوة بملعقة خشبية

لغاية ما تتكون عندك عجينة متماسكة . وأرفعه من على النار

تقلب بأيدك بعد ما تدهنها بالفازلين أو كريم نيفيا أنتا حر بس حافظ على ايدك الحلوة

وادهنا بأى حاجة من الى قلتلك عليها.

أيوه زى الست الفنانة الطيبة دى ما عملت.

قسم العجينة الى قطع وممكن تلونها قبل التشكيل بألوان مائية . جواش مثلا

بعد كده ضع العجينة فى أكياس نايلون حتى لا تجف وتفسد منك .وخد منها حسب حاجتك .وضع الباقى فى الكيس تانى لتعزل عنها الهواء.

____________________________________________

نشوف نماذج للأبداع بعجينة السيراميك:

________________________________________

__________________________________________________ ____

بنستخدم السلك لربط الأجزاء ببعض

_______________________________________

لو عندك برطمان مربى أو أى حاجة وفضى ما ترميهوش فى الزبالة............ممكن

تعمل فيه كده..

شفت بقى يا عم الحج الحكاية فى منتهى السهولة لمن يملك حاسة فنية وصبر

وحب للأبداع . وزى ما شفت ممكن تشكل بأى حاجة قوالب الكحك والبيتيفور

وممكن تشكل العمل بتاعك بالكتر او سكينة المطبخ أو ملعقة أو مفك حتى لو بأظافرك

المهم يكون عندك صبر وحب للعمل وقدرة على التصرف والتصرف بأى أداة متوفرة لتشكل

بها أى جزء من عملك ............ وشكرا لكم.