مفارق 
,,,,,,,,,,,,,,,,
ململم جروحى 
ومحضر شنطتى
وحابس دموعى 
ونس لوحدتى
مفارق وتارك 
قلبى وحياتى
وسايب معاهم 
شجونى وبسمتى
......................
ململم دفاتر 
كاتب فيها ذكرى
كاتب فيها وصفك
ياشمس ياقمره
بانجمه ف ظلام 
ياشوق وأبتسام
ياقدرى ووعدى
يامعنى الغرام
,,,,,,,,,,,,,,,,,,,
ململم كلامى 
الشريد ع الحيطان
وشعرى وصورى
اللى كانت زمان
وحكتب بدلهم 
كلمه وداعك 
مفارق وسايب 
ليكى المكان
لا حلعن زمانك
ولا أشتم قوامك
وحبقى مأمن بأنك
حقيقه وكاس أخره مر
وفيه الختام
,,,,,,,,,,,,,,,,,,,,,,,,
مسافر فعتمه
ليلى الطويل
ودمعى اللى سال
من جفنى الحزين
وحملى اللى شايله
وصوت الأنين
وكاتب سطور
النهايه الحزينه
وشاطب اسمى 
من المولدين
مسافر وحالف 
ماأعود غير تراب
ويكتب زمانى 
بأنى الشهيد
القتيل اللى حبك
وذاق الغرام
,,,,,,,,,,,,,,,,,,,,,,,,,,,
مفارق ياسكنى 
يابلدى ياوطنى
يا أجميل عشيقه
فى كل زمان
مفارق وسارق 
أسمى ف بطاقتى
ووصفى أنى مصرى
ولونى وشكلى
وحسرق معاهم 
حنينى وشوقى 
وحكتب بدلهم 
ليه راضيه ظلمى
تملى تهنينى 
ولغيرى تبعينى
ودم اللى سال
وغرق رمالك
أخاف يجى يوم 
وفيه تلعنينى
حفارق وكاره 
شبابى وطفولتى
وقلبى اللى داب 
وتوبى الكسينى
حفارق ومش
راجع اليكى
ولو حاجى ميت 
يدوب تحضنينى 
ويشقو ترابك
اللى شارب دمايه
وارجع حشاكى 
اللى دمع عشانى
مفارق يابلدى 
مفارق ياوطنى
مفارق يا أمى
وفرحة زمانى
,,,,,,,,,,,,,,,,,,,,
كلمات الفاجومى
عبدالواحد محمد