الحياه
واهى ماشيه الحياه بينا
بنتعلم ونتألم
وبتغير حاجات فينا
ونعرف ناس ونهجر ناس
وناس بالجرح تكوينا
لاكن برضه الحياه ماشيه
رضينا والا مارضينا
ولا بنزعل فى يوم على حد
ولابنستنى خاطر حد
منين ماتروح تودينا
ولو فاكره انك انت بجد
مافيش فى الدنيا زيك حد
وبعدك راح يبكينا
احب اعرفك قلبى
مالوش مرسى ولا مينا
هنا ف قلبى سكن غيرك
ولو روحتى سكن غيرك
مادام نبض الحياه فينا
وساعات بيساعى قلبى اتنين
ونفضل كل يوم عاشقين
مافيش واحده بتكفينا
ولا بنزعل على الخاينين 
ولا بنسألش حبت مين
مادام غيرها يداوينا
محمد الروبى