في شيء جوانا متغير
ساعات بنسأل نفسنا
ونحتار وساعات بنحير
غيرنا لما يحسنا
ليه حالنا بقى ليه العجب
ساكتين تايهين من غير سبب
مكسورة الفرحة جوانا
والحزن عشش ع السنيين
نحلم بفجر يفرش ضياه
يمحي ليل طويل عشناه
يرجع لينا ملامحنا
اللي ضاعت مع الايام
ولو نرجع بالذكري
هنعرف اننا صحيح
في شيء جوانا متغير
نكون اتعودنا خلاص
نبيع الحلم والاخلاص
لفكرة عايشة جوانا
ولو بيعنا احلامنا 
هيفضل ايه في ايامنا
نبكي عليه
تعالوا نحلم من تاني
مع بعض راح يفرق كتير
والحلم يصبح له معنى
لما يجي بعده تغيير
تعبنا نقول لنفسنا
#عطيات_الجلاد

في شييء جوانا متغير