ازيكوا جميعا رجعتلكوا النهاردة بموضوع انا جربتة بنفسى والنتيجة كانت مدهشة وهتعجبكوا ان شاء الله

الموضوع ده هو ازاى تنقلى رسمة عادية وتخليها باترون للتطريز البدوى

كل اللى هتحتاجية هو :

ورق كربون

الصورة اللى حابة تطرزيها

دبابيس ابره

قماش باللون اللى تحبية عشان تشتغلى عليه ده لو رسمتى على ماركة اما لو رسمتى على ايتامين فمش هتحتاجى قماش

الماركة او الايتامين اللى بنستعملة فى التطريز

ودى بقى الطريقة :

ثبتى الرسمة على الماركة بالدبابيس

واضغطى على الرسمة بالقلم عشان تتطبع على الماركة

وده شكل الرسمة بعد مانقلتها على الماركة

وبعد كده ثبتى الرسمة على القماش وأبدأى التطريز

وده شكل الرسمه بعد ماخلصت تطريزها وغيرت شوية فى شكل وش الجمل

وهنا بعد مانسلت الماركة من عليها

ودى رسمة تانية عملتها بنفس الطريقة

دى كانت الرسمة الاصلية هى كانت بالابيض والاسود بس انا لونتها عشان تسهل عليا وانا بختار ألوان الخيوط اللى هستخدمها

ودى بعد التطريز وعملت عليها شوية تعديلات بسيطة عن الرسمة الاصلية

يارب اكون قدرت افيدكوا بحاجة ولو بسيطة

المصدر: اعمالى الشخصية
asalet-sinaa

شرفتم موقعى انا هبه على من شمال سيناء - العريش عمرى 24 سنة بكالوريوس علوم بيئية و زراعية جامعة قناة السويس بعشق الاشغال اليدوية وأشغال الأبرة .

ساحة النقاش

heba ali

asalet-sinaa
هوايتى اشغال الابرة والتطريز والاشغال اليدوية »

ابحث

تسجيل الدخول

عدد زيارات الموقع

1,641,937