جبت لكم طريقة عمل حقيبة من الورق او البلاستيك تقدرى تحفظى فيها ادوات الخياطة أو ادوات اشغالك اليدوية
الطريقة سهلة جدا وفكرتها لذيذه وبسيطة ومش هتحتاج منك مجهود كبير
ده شكل الحقيبة بتاعتنا
ورق كرتون أو ورق جرائد أو ورق جدران أو حتى ورق تغليف الهدايا وممكن الورق اللى بيتغلف بيه الكاوتش بتاع العربيات كمان المهم يكون الورق طويل نوعا ما (شرائط)
مشابك ورق
متر قياس
ماكينة خياطة
مسدس شمع أو صمغ قوي
نثني الشرائط الورقية وتكون بعرض 30 انش
نثنيها بمقاس واحد انش ونطويها عشره مرات حتى تتكون 10 طبقات والغرض من ده انها تبقى سميكة وتتحمل
وبعدين نخيط حواف الشرائط اللي حصلنا عليها من الجهتين بالشكل ده
وبعد ما نخلص من خياطة كل الشرائط ندخلها في بعض زي ماهو واضح في الصورة..
ونحاول نخلي الجهة اللي فيها عيوب أو اخطاء في الجهة العليا عشان هتكون داخل السلة ومش هتظهر
نثبت الشرائح في بعض بالصمغ
قيسي عرض الشرائط من جهة واحده واضيفي عليه 2 انش واضربي العدد في 4 وده هيكون مقاس طول الشرائح اللي هنستخدمها في عمل جوانب للسلة (شرائط العرض) اعملي كذا شريطة بمقاس الطول اللي حصلتي عليه
بعد كده نبدأ نرفع الشرائط الطولية وندخل فيها شريطة بالعرض مع تثبيتها بمشابك الورق
البداية هتكون صعبه شوية بس بعد ماتخلصي اول صف هتبقى العملية سهلة معاكى
والصوره هتوضحلك الفكره اكثر
كل ماتخلصي صف شيلي المشابك وثبتي بيها الصف اللي بعده وهكذا ..
المهم تستمري في نسج الشرائط لغاية ما توصلي لارتفاع السلة اللي يناسبك واللي يتناسب مع طول الورق عندك أكيد..
اطوي الزوائد من الشرائط لداخل السلة
قصي الاطراف ودخلي الشرائط في بعضها مع تثبيتها بالصمغ
وده هيكون شكل السله النهائى
استخدمي السلة لحفظ ادوات الخياطة أو لبكلات الشعر او أي شي
اتمنى ان الفكرة تنول اعجابكوا ،،،
ساحة النقاش