النهاردة جبت لكم 3 طرق تقدرى تستخدميهم عشان تزيني غرفتك بنفسك
الفكرة الاولى :
ابدئى برسم الشكل اللى تحبية على ورق مقوى وليكن ورده وبعد ماتتأكدى من الشكل المطلوب انقلى الرسمة على خشب ابلكاش او اى نوع خشب خفيف وممكن تكتفى بالورق المقوى بس الابلكاش هيكون امتن وهيتحمل معاكى 

قصى الرسمة من على الابلكاش باستخدام المنشار وممكن تخلى النجار هو اللى يقطعلك الخشب بعد ماترسمى الرسمة 

بعد كده لونى الرسمة باللون اللى تحبية

ارسمى وردة اصغر من الوردة الرئيسية على الورق المقوى وثبتيها فى المنتصف

لونى الوردة الصغيرة بلون مخالف للوردة الكبيرة

ارسمى وردة اصغر من الوردتين اللى رسمتيهم على الورق المقوى وثبتيها فى المنتصف

لونيها بلون مختلف

بعد ماتخلصى دهان ادهنى ورنيش على الشكل كله للتلمع

الصقيها اوعلقيها على الجدار
وده هيكون الشكل النهائى

الفكرة الثانية :

نشترى لاصق ملون حسب الاختيار

ونلصقة على الحائط


وده هيبقى شكله النهائى


الفكرة الثالثة :
هتحتاجى عشان تنفذيها
مقص \ فرجار \ ورق تجليد 
هتختارى اى الوان تحبيها من ورق الجلاد

شكلى دوائر بمقاسات مختلفة على الورق الجلاد

والصقها على الحائط
وده هيكون شكلها النهائى

اتمنى الافكار تعجبكوا ،،،

المصدر: ايميلى الشخصى
asalet-sinaa

شرفتم موقعى انا هبه على من شمال سيناء - العريش عمرى 24 سنة بكالوريوس علوم بيئية و زراعية جامعة قناة السويس بعشق الاشغال اليدوية وأشغال الأبرة .

ساحة النقاش

saharmorad

أنا سعيده جداً بالأفكار دي لكن غرفة أولادي لونها أفر واغمفت مع الوقت هل هناك حل لتفتيح لونها والنصف السفلي عليه شغبطه بالقلم الجاف حاولة اغسله الزيت بيطلع والشغبه ما بتطلع ايه الحل أرجدوكم الغرفه بقت كئيبه بالرغم من وجودها على جنينه لكن بخاف افتح البلكونه لآننا دور أرضي والأمر ما يسلم

asalet-sinaa

ممكن ترسمى عليها رسومات للاطفال وتكون بألوان فاتحة هتفتح معاكى لون الغرفة وكمان ممكن تغيرى لون الستائر وتخلى ألوانها زاهية وممكن كمان انتى تجيبى لون وتدهنى ركن أو اثنين من الغرفة عشان يفتح لونها وممكن كمان تخلى اولادك يساعدوكى فى الدهان خصوصا اننا فى الاجازة الصيفية ودى حاجة هتخليهم يشغلوا وقتهم ويشعروا بالفرح والسعادة وادوات الدهان رخيصة مش غالية

heba ali فى 13 أغسطس 2011

heba ali

asalet-sinaa
هوايتى اشغال الابرة والتطريز والاشغال اليدوية »

ابحث

تسجيل الدخول

عدد زيارات الموقع

1,609,344