تعالى اوريكى ازاى تجددى اباجورتك القديمة ...

لو زهقتى من شكل اباجورتك القديمة ومليتى من منظرها فى بيتك ... النهاردة جبت لك طريقة سهلة عشان تجديدها ومش هتكلفك حاجة ..

تعالى نشوفها مع بعض ،،،

كل اللى هتحتاجية اسبراى باللون اللى تحبية ومفرش بلاستيك صغير ومقص ولصق شفاف .

هتجيبى المقص وهتقصي المفرش لنصفين

هتلصقي المفرش باللصق على الاباجورة ووزعى النصفين بعيد عن بعض

غطى السلك اللى داخل الاباجورة باللصق عشان متتأثرش بالاسبراى

وبعد كده رشى الاسبراى على كل الاباجورة

بعد ماتجف ارفعى قطع المفرش من على الاباجورة

وده هيبقى شكل الاباجورة النهائى

ايه رأيكوا بقى سهلة وبسيطة مش كده ؟!!

ويارب الفكرة تكون عجبتكوا ،،،