قلعة خيالية من رول المناديل الورق ..

ازيكم النهاردة ؟!! يارب تكونوا كلكم بأفضل حال

جبت لكم فكرة جميلة تنفع للاطفال وخصوصا البنات الصغيرين

الفكرة دى هى طريقة صنع قلعة خيالية زى اللى بنشوفها فى افلام الكارتون وده شكلها .

 تعالوا نشوف هنقدر ننفذها ازاى ؟!!!!

فى الاول هنحتاج كباية بلاستيك هتبقى هى قاعدة القلعة بتاعتنا وهنلصقها على قطعة كرتون

بعد كده هنعمل فتحة كبيرة فى الكباية زى الصورة مابتوضح

وهندخل فى الفتحة اللى عملناها رول مناديل ورق أو رول ورق سوليفان على حسب طول القلعة اللى نحبة

وهنحشى الرول ورق من جوة عشان يبقى متين

بعد كده ثبتى 3 رول على الرول الاول اللى ثبتناه على الكباية بس يكونوا اقصر شوية صغيرين .

بعد كده اعملى 4 قراطيس من الورق عشان نثبتهم على الاربع رولات من فوق

بعد كده هنجيب المناديل الورق او ورق الجرايد وبالغراء المخفف بالمية هنغلف بيهم الشكل بتاعنا كله .

هنحط من طبقتين ل3 طبقات مناديل عشان تبقى القلعة متينة وعشان شكلها يظهر وتختفى شكل الرولات واللصق اللى استعملناة

بعد كده لونى القلعة بالالوان الميه او الاكريلك او اى نوع من الالوان

وده هيبقى شكلها النهائى

وبنفس الطريقة ممكن تنفذى اكتر من شكل

 وده فيديو هيشرحلك الطريقة

ايه رأيكوا بقى ؟!!! حلوة مش كده

ويارب الفكرة تكون عجبتكوا ،،،