عندك كرتونة قديمة ورولة فويل !! تعالى وانا اوريكى ممكن تعملى منهم ايه ؟!!

أزيكوا جميعا .. يارب تكونوا فى افضل حال ،،،

النهاردة جبت لكم طريقة تحويل الكرتونة القديمة لهدية تحفة ..

تعالى اوريكى ازاى

ده طبعا شكل الكرتونة التقليدى اللى كلنا حافظين شكلة  

هنغلفها بورق كريشة

ودى كمان رول فويل فاضى .. اكيد موجودة فى كل بيت

برضة هنغلفها بورق الكريشة واختارى اللون اللى تحبية

ده شكل الكرتونة وورق الفويل بعد التغليف بورق الكريشة

الصقى رول الفويل بالطول على الكرتونة زى الصورة

وببقايا ورق الكريشة اعملى أركان للكرتونة زى الصورة

ده شكل الاركان بعد مااتركبت على محيط الكرتونة كلها

دى قلوب فلين موجودة فى اى مكتبة ولو مش موجودة ممكن انتى تنفذيها بانك ترسمى قلوب على الفلين وتقصيها وتفرغيها وبعد كده ترشيها باللون الاحمر

ثبتى القلبين حول رول الفويل

وده شكل القلبين بعد التثبيت

ممكن تضيفى قلب تالت زى ماتحبى ودى شمسية صغيرة ممكن تضيفيها بتتباع فى محلات لعب الاطفال

وده صندوق صغير من الصناديق اللى بتيجى مع سبوع المولود ومتوفرة فى المحلات

ودى برضة من الهدايا اللى بتيجى فى سبوع المولود

ممكن تضيفى العاب او اى حاجة انتى تحبيها

 والكورة دى انا وريتكوا طريقة عملها قبل كده من البالونة

رصى الالعاب على الكرتونة بطريقة حلوة وثبتيها

وبعدين غلفيها بكيس بلاستيك وجهزيها عشان تقدميها هدية

وده شكلها النهائى

وبكده نكون عملنا هدية بايدينا سهلة وجميلة ومن حاجات كانت موجودة عندنا فى البيت .

ويارب الفكرة تكون عجبتكوا ،،