ازيكم النهاردة ، جبت لكم أفكار ممكن تنفذوها بالبالونات ولما تخلص محدش هيتصور انها مصنوعة من بالونة .
يلا نشوف مع بعض ممكن نعمل ايه ،،،
أول فكرة ممكن ننفذها
.: بيضة عملاقة للهدايا :.
وعشان ننفذها هنحضر بلونة وننفخها بالحجم اللى نحبة
ونلف عليها خيط صوف بالطريقة الموضحة
وبعدين ندهنها ممكن تختارى من 3 طرق :
1 - الخيط وهو مبلل بالماء المضاف اليه نشاء ونتركة حتى يجف بعد اللف .
2 - رش غراء ابيض سريع مخفف بالماء بواسطة الرشاش وتركة حتى يجف .
3 - دهانها بالغراء المخفف ( غراء الخشب ) .
وبعدين نخليها تجف كويس... وبعد كده نثقب البالون بالدبوس
ونفرغ البيضه من الوسط
ونحشيها بالهدايا والحلويات
و نزينها ونقدمها .. بالهنا والشفا
ممكن عمل عش ووضع العيدية او الهدية جواه
بعد تفريغ البيضه من الوسط نجهز قش للعش وهيكون أكياس بلاستيك مقطعينها شرائح
وعشان نزين السلة او البيضة هنعمل كتكوت بالصوف ودى طريقة عمله
لفى الصوف حول ايديكى بالطريقة الموضحة
واقسمى الصوف من النصف . زى الصورة .
قصى الصوف من الطرفين
وده شكله بعد القص
هنكرر العملية تانى عشان نعمل كورة صوف تانية
ونربط الكورتين فى بعض وده هيبقى شكل الكتكوت وضيفى عليه عيون ومنقار
وده هيكون الشكل النهائى .. حلو مش كده ،،،
ممكن كمان بدل ما تضعى فيها الحلويات تعملى منها اجحام مختلفه
وتركبى فيها لمبات
وتعلقها بطريقه مميزه وملفته وجديدة
الفكرة التانية اللى هنفذها
.: عليقة للسقف :.
وطريقتها :
انفخي البالونة بالحجم اللى تحبية .
ضعي البالونة على فوهة كوب أو أي شيء تكون قاعدة له عشان تثبت أثناء الشغل
اختاري أي نوع من الخيوط الصوفية وأي لون تفضلية .
وبعدين قصي الخيوط بطول متساوي ( 30 سم ) ثم غطسي كل خيط لوحدة في إناء به غراء الخشب مخفف بالماء .
وبعدين أزيلي بالراحة الغراء الزيادة من الخيوط
رصي الخيوط المغطسة كلها بطريقة مرتبة على لوح بلاستيك عشان تجف شوية بس مش تجف خالص عشان تقدرى تلفيها على البالونة .
وبعدين لفى الخيوط بطريقة عشوائية حول الجزء الأعلى من البالون . والصور بتوضح الطريقة .
بعد كده أقلبي البالونة عشان نكرر نفس اللى عملناه للجزء العلوى نكررة على الجزء السفلي .
وبعدين نترك الكرة عشان تجف تماما .
ونقوم بإخراج الهواء من البالونة بحذر .
ونتخلص من البالونة عن طريق الفتحات .
وبعد كده نضيف غراء عادي على البالونة وندحرجها على الجليتر ( اللمعة )
وده هيبقى شكلها النهائى
ويارب الأفكار تعجبكوا ،،،
ساحة النقاش