النهاردة جبت لكم فكرة شفتها فى أكتر من موقع ومنتدى وعجبتنى قوى

 وحبيت أنكم تشاركونى فيها

هى عبارة عن نخلة مصنوعة من خامات موجودة عندنا ومتوفرة . يعنى نخلة وشكلها حلو

سهلة وبسيطة

تعالوا نشوف هنعملها ازاى ،،،

جهزى فرع يابس أو خرطوم بلاستيك أو أى حاجة تصلح تكون الساق وتكون بالطول اللى تحبية ، وخيط صوف ، وكمان جهزى ورق شجر صناعى

لفى الخيط على العود زى الصورة 

 بعد كده لفى على الخيط والعود مناديل ورقية ( مناديل التواليت ) 

وبعدين ادهنيهم بغراء أبيض مخفف بالمياة ، وأضغطى بين فراغات الخيط الملفوف بزرادية عشان لما ينشف ياخد شكل ساق النخلة

 وده هيكون شكلها بعد ما تجف

قصى ورق الشجر الصناعى من الجوانب عشان حجمها يبقى مناسب مع حجم اوراق النخلة

 

وبعد كده قصى أطرافها بالشكل اللى بتوضحة الصورة

 

وبعد كده الصقى الورق على الساق بمسدس الشمع

وده هيكون شكلها بعد اللصق

وده شكل النخلة النهائى

حلوة وسهلة مش كده ؟

ويارب الفكرة تعجبكوا وتقدروا تستفادوا منها

 

المصدر: عدة منتديات ومواقع مختلفة
asalet-sinaa

شرفتم موقعى انا هبه على من شمال سيناء - العريش عمرى 24 سنة بكالوريوس علوم بيئية و زراعية جامعة قناة السويس بعشق الاشغال اليدوية وأشغال الأبرة .

ساحة النقاش

heba ali

asalet-sinaa
هوايتى اشغال الابرة والتطريز والاشغال اليدوية »

ابحث

تسجيل الدخول

عدد زيارات الموقع

1,997,296