السلام عليكم
معلش أنا كان لازم أقول تجربتي لأني لقيت ناس هنا فعلا الموضوع خرج من أيديهم ولجؤا لطرق غريبة فعلا لإنقاص الوزن لكن ده ماينفعش لأن
ربط الأسنان ده مؤقت وأول ما هتفتح هتفتح علي البحري في الأكل
وهتزيد اللي خسيته بسرعة رهيبة جدا.
نبدأ بقي ونشوف أنا خسيت إزاي من غير رجيم علي أساس إني بفتي بقي
لا مش بفتي ولكن دي تجربتي .
أنا بعد ماسبت الرياضة ووزني كان 92 كيلو والطول 183
وصل وزني 120 كيلو في فترة الإنقطاع حتي إني في الصيف زهقت وماعرفتش
أنزل البحر ولا أي شيئ حتي صحابي بدؤا يلاحظوا الأجناب والوزن الزايد
والكرش وكل الكلام ده.
صممت من جوايا عملت قايمة ممنوعات مكونة من 5 حاجات بس
- سكر
- سمنة وزيت
- ملح
- الفينو والمخبوزات
دول سبب البلاوي
كنت بفطر متأخر عادي علي علبتين زبادي بالعسل
وأنزل بدل ما أركب الميكروباص أتمشي لغاية الموقف ربع ساعة مش كثير
بس بسرعة متوسطة وكمان انا ساكن في الخامس لما أنزل أصلي المغرب
والعشاء في الجامع يبقي كده تمام طلوع ونزول السلم في اليوم ماقلش
عن 4 مرات
كنت بخرج مع زمايلي وبروح مشي
يعني مره مشيت من التحرير لغاية إشارة روكسي وعشان الوقت إتأخر
ركبت وروحت
ومره مشيت من التحرير لغاية العباسية
وهكذا وكان يوميا مش أقل من ساعة مش أهو برضك خروج
وبس والحمد لله
وصلت دلوقت يا أفاضل يا كرام
لوزن 98 كيلو
ورجعت للجيم والرياضة تاني
والموضوع مش معقد اوي بس شوف الغلط في اكلك وانت هتعرف الفرق
وهتفدر تصلح اكلك
وشكرا <!-- / message --><!-- sig -->
__________________
عدد زيارات الموقع
4,177,807
ساحة النقاش