قاموس البشر
قاموس البشر يا بشر
مسرح كبير يا زمان
لا يسيب رحمة تنزل
ولا رحمة للأنسان
قاموس البشر يا بشر
تلاقوا فيه ثعابين
تتلون وتتلوى وتلدغ
أصل دول ملاعيين
قاموس البشر يا بشر
كل يوم فيه بنموت
القتل فى كل حته
والدور علينا يفوت
قاموس البشر يا خلق
مليان مقاسى كتير
أسلحة دمار شامل
وألأمر بينا خطير
قاموس البشر يا بشر
تشوفوا فيه العجب
من أول عقارب بوش
لحد هيفا ورجب
قاموس البشر يا أخونا
نقلب فى صفحاته
حاكمنا عبد القوى
نافخ فشنباته
معين حكومه ورق
بتنحنى لطاعاته
عاملين لنا بلبله
وزهقنا من شطحاته
فاكر بلادنا عزبه
تحكمها شنباته
ويوقف عليها عمده
وياه شيخ خفر
يلعبلنا شنباته
سيرته بقت فى البلد
مره بكل لسان
طار الخبر يا بشر
لشله م الشبان
آمنوا بربهم وهو المستعان
شهروا سيوف الحق للحاكم
وما كانش فى الحسبان
شفت فيهم شبابى
أيام ما كنت همام
أنا كنت واحد ثورجى
أيام ما كنت زمان
قلت أفرحى يا مصر
كل دول عرسان
وفى عز وقت الفرح
فجأه بقت ضلمه
راجل عجوزو خبير
على راسه فيه عمه
قال أسمعوا نصيحتى
ما فيش منكوا فايده
هيصه كبيرة وشوية
كام لمه
الخيل وعسكر معسكر
فضوها فى ثانية
وأقول الحق
أنا راسى كله دار
وصابتنى ميت دوخه
وخلاص بقيت منهار
راجعت نفسى وقلت
قاموس البشر يا بشر
قلبت فيه النظر
لقيت تاريخنا يشرف
والمصرى أصله فيه
راجل بطل ثورجى
إيه اللى جراله و ليه
يا بشر
عدد زيارات الموقع
4,196,760
ساحة النقاش