بمناسبة المواطنه و التعديلات الجديدة ليا شوية مطالب عند حكومتنا الرشيدة هييه هييه عايزلى ارض شاسعه فى الصحراء المديدة وبشرط تكون فى قلب القاهرة الجديدة هييه هييه وكمان عايز لى قرض شوية مليارات تكون اوراقه حلوه من فية المئات هيييه هيييه وزى مانت عارف ياسيد البهوات القرض اللى انا طالبه مالوش اى ضمانات هييه هييه وكمان وحياتك عايزلى مصنع حديد يابانى ااحمل عليه خسائر المصنع بتاعى التانى هييه هييه عاوزلى قبل ما انسى كم الف فدان فى توشكى أزرعهم عنب احمر واسقيهم بدل الميه ويسكى هييه هييه وتنساش يا حبيبى نصيبى فى العبارات اشغلها فى البحر الأحمر واقتل فيها بالمئات هييه هييه بس انت قول لصاحبك مايرفعش عنى الحصانه هاأحط رجلى بره  وأسيب لك حماتى ضمانه هييه هييه واروح اقعد هناك فى بلاد الإنجليز اعيش معاهم خواجه مكرم سعيد وعزيز هييه هييه بس انا كان نفسى فى حاجه ليها اهميه ادخل امانة السياسات بيقولوا كلها حنيه هييه هييه