أكدت الدكتورة "وفاء مسعود" أستاذة علم النفس بجامعة حلوان بعد دراسة أعدتها عن العنف الأسري، أنها توصلت إلى أن حوالي 40 % من الشعب المصري مصابون بحالة اكتئاب وهذه الحالة تؤدي إلى ارتكاب الجرائم..

وأكدت الدراسة أن 60 % من جرائم القتل التي تقع في محيط الأسرة ما بين جرائم يرتكبها الآباء في حق الأبناء أو العكس بسبب الضغوط التي تؤدي إلى الاكتئاب..

والسؤال دلوقتي.. ليه؟؟؟ ليه 40 % من الشعب المصري عنده اكتئاب؟؟؟ وإن كنت أشك أصلا إنهم 40 % بس..

إيه اللي بيخلي الاكتئاب ييجيلهم؟؟؟ المواصلات؟؟؟ الأكل؟؟؟ الشوارع؟؟؟ قلة السكن؟؟؟ قلة الفلوس؟؟؟ قلة الشغل؟؟؟ عدم احترام كرامة البني آدم أساسا.... كلها حاجات بسيطة وتافهة ماتجيبش اكتئاب ولا حاجة..

لو إنت مواطن مثلا خلصت الجامعة وقاعد عاطل مش عارف تتجوز ولا تشتغل ولا تاكل وقاعد عالة على أبوك، وكل يوم تمد له إيدك عشان تاخد منه المصروف ده يجيبلك اكتئاب؟؟؟
أكيد لأ.. سبب الاكتئاب هو الفراغ.. إنك مش لاقي حاجة تعملها فبتتظاهر بالاكتئاب..

إنت كبني آدم مصري.. عندك اكتئاب؟؟؟ تفتكر لسه فيه حاجة ممكن تجيبلك اكتئاب؟؟؟