شوية لماضة

شوية لماضة.. باب جديد وجامد ومفيش زيه بقى..

هنتكلم فيه من غير خطوط حمراء أو سوداء أو بمبي..

هتقول رأيك فيه بكل حرية.. وهاقول أنا رأيي فيه بكل حرية برضه.. "اشمعنى إنت يعني!"..

وجهتان نظر.. مع وضد.. نعم ولا.. أبيض وأسود.. يمين وشمال.. زمالك وأهلي..

الاتنين قدامك.. اقرا دي واقرا دي.. وقول إنت كمان رأيك.. وشوف مين فيهم اللي اقتنعت بوجهة نظره.. ولاّ ماقتنعتش..

شوية لماضة.. مش شوية خناق وضرب نار.
دي شوية لماضة.. عشان نجاوب ع السؤال.

ازاي نحترم آراء بعض.. ونفهم إن اللي مش معانا.. برضه مش علينا..

اتفضلوا معانا.. وما تنسوش تشاركوا معانا برأيكم حتى ولو كان..

شوية لماضة..