طيب أنا هاسأل سؤال.. فيه أكتر من حالة.. ناس حضرتك اتهمتهم إنه فيه فساد على مستوى عال.. د. "كمال درويش" ود. "إسماعيل سليم" و"حسن مصطفى".. احنا كقراء بنشوف.. طيب ماهو ولا واحد من دول دخل سجن؟
أنا مابظلمش حد، أنا دوري أبلغ.. إنت بقى عايز تدي له جايزة، عايز تبوسه وتحضنه، عايز تخليه رئيس اتحاد كرة اليد للعالم كله، دي قضيتك إنت.. لكن أنا قضيتي أكشف الفساد، عايز إنت تتستر على هذا الفساد.. دي قضيتك.
(تصفيق حار.. تاني)
احنا في مجتمع تحكمه قواعد وقوانين، أكيد فيه نظم طبعا بغض النظر فيه فساد بدرجة عالية جدا عندنا وفي بلاد تانية كتيره جداً، لكن دلوقتي إنت المؤسسة التي تدير نادي الزمالك واللي هي مصالح الزمالك كلها أمانة في رقبتك في الوقت الحالي.. هل مفيش وسيلة تانية للحصول على الحقوق إلا بالدخول في المواجهات والصراع؟
نمسك قضية قضية..
"حسن مصطفى" تصور في وقت من الأوقات إنه الفرعون الأول.. هو جه غلط.. أنا بسأله علناً على الهواء.. "يا حسن يا مصطفى، إنت عندك قضية رشوة كنت متهم فيها، وطلعت بكفالة وإهدار مال عام ولاّ لا؟؟ لو أنا باقول كذب روح ارفع عليّ قضية"!
كان عنده، فالقضية إن الناس بتقول لك تستر على الفساد، أصل إنت لما تتكلم عن الفساد في نادي الزمالك بتفضح النادي.. لأ أنا لما اتستر على الفاسدين اللي في نادى الزمالك يبقى أنا اللى بافضح النادي، ليه بقى؟ لأن المتستر على الفاسد هو فاسد..
عشان كده رئيس الجمهورية بتاعنا، عندك محافظ لما غلط مين اللي قدمه للمحكمة؟ شيطان جه قدمه للمحكمة؟ الرقابة الإدارية ضبطت.. دى دولة، محكمة حاكمت، ده جزء من النظام.. دي السلطة القضائية.. بيقضي العقوبة فين؟ في السجن ودى سلطة تنفيذية خاصة بوزارة الداخلية..
دول كلهم لما يلاقوا "حسني مبارك" بيعمل كده يقدم محافظ ويحبسه ده وسام على صدر "حسني مبارك" ونظام "حسني مبارك".. مش معناه إن البلد فاسدة طالما مش بتتستر على الفساد وبتقدم الفاسد ياخذ العقوبة بتاعته ويكون عبرة لكل واحد بيفكر يبقى فاسد.. ده يبقى نظام محترم جداً.
ساحة النقاش