مَانِيشْ وَاخِدْ عَلَى خَاطْرِي

مانيش واخد على خاطري
ولا زعلان... ولا حاجة
باحبِّك حب زيّ الناس
ولا مْقَدّسْ... ولا عبادة
و إيه يعني...
أنام ما احلمشي غير بيكي؟
وطن ثابت... غرام يدخل شبابيكي
أحسِّكْ نبض جوَّايَا
تروح الروح على بابك
أحس بإني... مش ليكي
*****
مانيش زعلان...
لأنِّي حلمت... بيكي زمان
وكنتي... انتي
دخلتي ف قلبي... وسْكِنْتِي
كأنّك بنت م الجنة
كتبت الشعر لاجل عيونها
... يتغنَّى
فمش واخد على خاطري
ولا زعلان... ولا حاجة
باحبِّك حبّ زيّ الناس
ولا مْقَدِّسْ... ولا عبادة