الأسئلة مفاتيح

زي ما المفاتيح تقدر تفتح أبواب وتقفل أبواب، فبرضه فيه أنواع من الأسئلة اللي ممكن تفتح الحوار أو تقفل الحوار... والأسئلة دي اللي بنسميها.... "الأسئلة المفتوحة" و"الأسئلة المغلقة"..
 

الأسئلة المغلقة

الأسئلة المغلقة هي الأسئلة اللي إجابتها دايماً محددة ومش محتاجة كلام كتير.. يا أبيض يا أسود... ودايماً بيكون الهدف من "السؤال المغلق" هو إنهاء المناقشة أو اختصار الوقت في الوصول للمعلومة المراد معرفتها.

ومن أمثلة "الأسئلة المغلقة" التالي:

السؤال المغلق: مش برضه فكرة كويسة إننا نعمل اجتماع مع باقي الأقسام؟

الإجابة المغلقة: أيوه أكيد أنا معاك في كده.

الأسئلة المفتوحة

طبعاً عكس الأسئلة المغلقة فالإجابة على الأسئلة المفتوحة ماينفعش الإجابة عليه تكون "نعم" أو "لا" علشان كده هي أفضل بكتير من الأسئلة المغلقة، وخصوصاً لو كان هدفك إنك تخلي الشخص اللي قدامك يتكلم ويطلع كل اللي جواه وده لأنها بتجبر الشخص ده إنه يجيب إجابة كافية ووافية على سؤالك....

ودي أمثلة لصيغة الأسئلة المغلقة، وفي مقابلها صيغة الأسئلة المفتوحة