السؤال مش بالساهل...

علشان تقدر تسأل السؤال في الوقت المناسب، فيه شوية أسئلة كده مفروض تسألها لنفسك قبل ما تندفع وتسأل، وهي إنك تسأل نفسك الآتي:

1. إيه سبب السؤال ده؟

2. إيه المشاكل اللي ممكن تنتج عن السؤال ده، وهل أنا قادر على حلها؟

3. ياترى لو حبيت أدي درجة لأهمية السؤال هاخد كام من 10؟ وطبعاً في الحالة دي لو أخدت درجتين أو تلاتة من عشرة يبقى من الأحسن تبعد عن السؤال ده.

4. مستعد تبذل جهد للدخول في المناقشة اللي هتنتج عن هذا السؤال؟

5. ازاي تقدر تستغل ذكاءك في صياغة سؤال مناسب للموقف؟

6. ياترى الوقت مناسب علشان أسأل السؤال ده دلوقت؟

الأسئلة ممكن تكون كتير بس بمجرد ما تتعود على وجودها في ذهنك هتلاقيها بسيطة وبتدور بسرعة جداً في ذهنك بمجرد ما تحتاجها...