|
يوميات مصحح لغوي ناجح |
|
|
| |
|
لكن أنا النهاردة وبمناسبة الشهر الكريم مضطر أعمل هدنة وعشان كده هتكلم عن موضوع تاني أكثر أهمية وهو هذا النجاح الباهر منقطع النظير اللي عملته اليومية اللي فاتت، واللي قلت لكم إنها هتتنشر يعني هتتنشر (أنا محدش يقدر يكسر لي كلمة)... تردد في الأيام الماضية أن عدد الإيميلات المرسلة لي قد تخطى الـ10آلاف، وفي رواية أخرى وصل إلى 15ألف... العدد مش مهم... المهم المحتوى.. كل الرسايل كانت من نوعية: طبعا من ساعة اليومية ما اتنشرت وحققت النجاح ده كله والغل ملا قلوب كل اللي في المجلة من ناحيتي، لكن ولا يهمني... أنا (بطيبة قلبي المعتادة) مش هاسكت لهم وهبهدلهم كلهم..... المهم أنا سعيد جدا بهذا النجاح... وأتوقع المزيد منه... تعالوا بقى يا جماعة نسيبنا من البهوات دول ونفضى شوية للكلام عن هذا الشهر المبارك الذي نعيشه الآن... الحقيقة أنا قررت إني أفيدكم بنصائحي المتواضعة اللي ممكن تخليكم تقربوا من ربنا زيي كده، وأولى هذه النصائح: إياكم والفشر لأن الإنسان الفشار كل الناس بتهرب منه وكمان ربنا مش هيرضى عنه.... وإلى اللقاء في يومية قادمة... |
كل سنة وإنتم طيبين.... طبعا أنا لم ولن أغير الخط (النبيل) اللي رسمته (بأحاسيسي المرهفة ومشاعري الجياشة وطيبة قلبي) لليوميات بتاعتي وهو هدم إخواننا اللي بيكتبوا في المجلة، وكشفهم لحضراتكم... نشرت فى 22 مايو 2005
بواسطة anbaa1
عدد زيارات الموقع
647,016
ساحة النقاش