|
يوميات مصحح لغوي |
|
|
المهم أنا لقيت الأساتذة البهوات اللي بيكتبوا في المجلة عمالين يكتبوا حاجات غلط في غلط، وأنا آجي أصحح لهم، ويتنشر كلامهم ميه ميه، وطبعا حضراتكم تقروا على الجاهز، وطبعا تبعتولهم إيميلات شكر وتهنئة... وأنا ما حدش بيعبرني (طبعا واضح إني -بالإضافة إلى التواضع- قلبي أبيض وزي الفل)... المهم قررت إني أكتب أنا كمان... وطبعا اللي هاكتبه هيتنشر يعني هيتنشر... وانتم هتقروه يعني هتقروه... وهتبعتولي يعني هتبعتولي وإلا والله أقلب لكم المجلة باللاوندي... قعدت أفكر... طيب هاكتب عن إيه؟ وفجأة... وجدتها... أنا لازم أكشف لكم البهوات اللي عمالين يتنططوا ومفكرين نفسهم ولا نجيب محفوظ... طبعا قصدي الأساتذة اللي بيكتبوا في المجلة... أنا بقى هاوريكم بعض الأخطاء اللي بيقعوا فيها... وإلى اللقاء في يومية قادمة... |
الأول أحب أعرفكم بنفسي... أنا بقى المصحح اللغوي بتاع المجلة دي... يعني أنا الآمر الناهي هنا... أنا اللي أقول الكلمة دي صح... تتكتب، والكلمة دي غلط... ماتتكتبش...م الآخر أنا هنا الكل في الكل... وطبعا من أهم سماتي (زي ماهو واضح من الكلام اللي أنا قلته)... التواضع.... نشرت فى 22 مايو 2005
بواسطة anbaa1
عدد زيارات الموقع
647,304
ساحة النقاش