|
دقيقة تفكير لله |
|
|
أنا "م. ف"، حكايتي تتلخص في إني بنت وحيدة على 3 أولاد وماما عايزة تخليني أتجوز بعريس زي ما بيقولوا كامل الأوصاف، وأنا مش حابة الطريقة دي.. فشاءت الظروف إني أحب واحد كويس وأنا شايفة إنه مناسب جدا ليَّ، بس طبعا ماما مش عاجبها بسبب عدة ظروف عنده.. أولها فيه فرق في مستوى التعليم.. أنا مؤهل عال وهو دبلوم صنايع، وثانيا والده ووالدته منفصلين، ثالثا هو شغال في مجال الموسيقى يعني عمل مش ثابت.. بس أنا شايفة إنه بالنسبة للتعليم هو فاهمني كويس، وبالنسبة لوالده ووالدته برضه مش شايفة فيها مشكلة؛ لأن الولد كويس ومش ذنبه طلع ولقاهم منفصلين، وبالنسبة للشغل ده رزق بتاع ربنا فأنا مش عارفة أقنع أهلي ازاي بيه.. مع العلم هو اتقدم لي واترفض، ولسه بيحاول تاني.. أرجو الرد سريعا وشكرا..ً ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالنسبة لانفصال والديه... فده قسمة ونصيب ومالوش ذنب في ده... بس مش معنى كده إن الشخص اللي بيتربى في أسرة مفككة مش بيتأثر بالجو المفكك ده... أي إنسان طبيعي بيعيش وسط مشاكل بيتأثر بيها... فلو إنت شايفة إن ده برضه مش فارق معاه يبقى خلاص عدي النقطة دي كمان.... بالنسبة بقى إن شغله مش مستقر... وحكاية إن الأرزاق على الله... فاسمحي لي دي نقطة لازم نقف عندها... إنتم عايزين تبنوا بيت... عارفة يعني إيه بيت؟ يعني فلوس وإمكانيات ومسئولية وطبعاً الحب مهم جداً بس فعلاً ممكن يتخنق من قلة الفلوس... ومفيش أي أسرة في الدنيا ممكن توافق إن بنتها ترتبط بشخص مش مستقر مادياً.. مش مطلوب إنه يكون غني، ومش عيب إنه لسه بيكون نفسه بس المهم هتعيشوا منين... هتشتغلي علشان تساعديه.. يبقى هتظهر أول مشاكلكم لما تشتغلي بمؤهلك العالي وهو يضطر يشتغل أي شغلة بالدبلوم... هتبدأ الخناقات لأن طبيعة الرجل الشرقي إنه بيحب يكون أحسن من مراته وبيني وبينك برضه المرأة الشرقية بتحس براحة وأمان أكتر مع راجل أقوى خصوصاً في عقليته وطريقة تفكيره... علشان يقدر يحتويها في وقت الأزمات لا قدر الله... ادي نفسك دقيقة تفكير لله... أرجوكِ.... |
نشرت فى 14 مايو 2005
بواسطة anbaa1
عدد زيارات الموقع
647,199
ساحة النقاش