د.محمد عبد الله:
ايه رايكم..
ماتيجو نخطط لحياتنا..!
ونفيد بعض.
خليكو معاي....
يعني ايه نخطط لحياتنا..؟
يعني حضرتك تبقي ماشي وانت عارف هتعمل ايه وليه وامته وهاتستفيد ايه من اللي بتعمله
..
ياريت توضح اكتر..؟
بص يا سيدي..!
أول خطوة في التخطيط لحياتنا أو لأي حاجة
أسمها دراسة الواقع اللي أنا فيه..!
يعني أيه.؟
يعني ببساطه أشوف ايه هي نقاط القوة اللي ربنا اعطاها لي ( الفراغ. الصحة.. حب القراءة. التفكر.البحث.مساعدة الاخرين وكدا.. كل حاجة حلوة ربنا اعطاها لك) واكتبها في ورقه بإسم
نقاط القوة
تاني حاجة نقاط الضعف.. اللي فيّ..
مالها؟
اكتبها برده..
زي ايه؟
(الكسل.. النوم عن الصلاة. الملل من القراءة.. مشاهدة الأفلام والمسلسلات وتضييع الوقت... وكل حاجة مش كويسة فيك) برده اكتبها في نفس الورقة وسميها نقاط الضعف
ثالث حاجة
الفرص اللي حواليك في المجتمع اللي انت عايش فيه( المسجد.. الاصحاب.. النادي.. المكتبه.. المصيف..) كل فرصة تقدر تغتنمها وتستفيد منها اكتبها باسم الفرص
رابع واخر حاجة..
التهديدات والمشاكل اللي حواليك (قلة فرص العمل.. عدم وجود فرص من اللي فوق.. الامن وكدا)
ماشي ياعم وبعدين..
الموضوع ببساطة.. من كل اللي فوق دا هكون اهداف لحياتي وامشي عليها..
وضح من فضلك.!
مثلاً..
عندي نقطة ضعف في عدم الاستيقاظ لصلاة الفجر وعندي فرصة صديق جاري او حتي مش جاري بيصلي الفجر...
اقوم اخرج هدف مباشرة من النقطتين دول واقول..
ان احافظ علي صلاة الفجر بالاستعانة بهذا الصديق.!
ممكن كمان مثال..
تعبتني معاك
معلهش يا دكتور..
بص يا سيدي..
وقت فراغ شديد.. مع.. وجود نادي حولك ممكن تمارس فيه الرياضة
او ورشة عمل ممكن تتعلم فيها
او صيدلية محتاج حد يشتغل فيها
او سوبر ماركت ممكن تقف فيه
او تدريب صيفي في شركة علي الادارة او فنون التعامل مع الاخرين
او اي فرصة تقدر تستغلها في شغل وقت فراغك شرط انها تكون صح يعني حلال مش حرام
تخرج بهدف..
ان استغل وقت فراغي في شغل كذا من الساعة كذا الي كذا..
.
.
وللحديث بقية ان اردتم
ان شاء الله تعالى.
ساحة النقاش