موقع الأستاذ عبد الفتاح أمير عباس أبو زيد

موقع لغوي أدبي تربوي قبمي

أول راتب في حياتي كان 625 جنيه ..

وكنت باصرف في المواصلات 400 جنيه تقريبا smile emoticonالحمدلله حاليا دخلي الشهري أضعافه بمرات .. ‫#‏مهذبون‬

أنا بقول الكلام دا لمين ؟للشباب اللي متخرج وقاعد في البيت عاله على أبوه وأمه وبيتحجج انه مافيش شغل وازاي اشتغل بـ 500 و 700 ومش هاشتغل بأقل من3000 و2000 جنية .. محدش بيطلع السلم مرة واحده .. لازم تعدي على كل سلمه خد على قفاك قبل ما تطلع السلمه اللي بعدها .. !متستناش واسطه ولا شغل في بنك ولا صاحب بابا هيشغلني معاه ..أنا في حياتي اشتغلت كل حاجه .. وقفت في مطعم .. وتاجرت في بطيخ وانا عندي 7 سنين .. وتاجرت في مواد غذائيه وانا 12 سنة .. عملت مشاريع على قفا اصحابي .. طفولتي تقريبا كانت شغل ومرمطه ..انزل وعافر واتعلم من الحياة ..أنا بقول الكلام دا ليه .! ؟النهارده قابلت اب في الجامع بعد الصلاة لقيته بيتكلم بنفس منكسره وبيقولي انت سبت طب من سنتين واشتغلت واتعلمت وبتشتغل مع اجانب ما تاخد ابني وتعلمه وتشغله معاك ..!قولتله ابنك عنده كام سنه .. قالي 26 سنه .. متخرج من 3 سنين وقاعدلي في البيت ..مشوفتش ليه شغل طول المدة دي .؟شوفتله بس مش بيعجبه الراتب .. دا حتى جبتله شغل مع محامي صاحبي بـ 1500 واشتغل شهر وقعد في البيت ..انت بتصرف عليه المده دي كلها يا حج ؟اه يابني دا ابني اومال هارميه في الشارع !ابنك ميلزمنيش يا حج .. squint emoticon ليه يابني .. ؟اصلك يا والدي ابنك مش هيشتغل طول مانت بتصرف عليه .. طول ما هوا حاسس بالراحه .. طول ما هوا ماترماش في الشارع واتمرمط .. ابنك هيبقى عاله عليا زي ما هوا عاله عليك .. وهيبقى عاله على المجتمع والبشرية ذات نفسها ..انا اول راتب اخدته كان 625 وموفرتش منه غير 20 جنيه ..

( الراجل اتصدم ودعالي دعوتين ومشي .. بس انكساره بسبب ابنه ميتوصفش .. ومش مقتنع انه يرمي ابنه في الشارع علشان يتمرمط ويشتغل )

تحديث 1 : ( الناس اللي زعلانه من ردي على أبوه .. هوا دا الحل الصح .. انا معنديش استعداد اساعد حد مبيساعدش نفسه .. لازم اعمل صدمه ليه ولابوه .. واول فعلا ما ينزل الشارع وابوه يقوله مافيش مصروف انا هابدأ اساعده لكن طول ما هوا عامل حسابه ان فيه مصروف هياخده و مش هيتغير وهيقعد شهر ويسيب الشغل تحت اي سبب )تحديث 2 : ( لو لسه مزعلكم اووي ردي عالراجل اعتبرو القصه خياليه )..

بس سؤال ..؟مش هوا الواقع كدا .؟ طيب اسألو أصحاب الشركات بدأو ازاي .. اسألو HR بحصل ايه معاهم في التوظيف ؟اسألو كل مبدع كنت بتعمل ايه في بداية حياتك .تعبو نفسكم وبصو في الكومنتات على حكاية كل واحد بدأ ازاي وبقى فين احنا شعب عاطفي بامتياز

‫#‏أول_راتب‬‫#‏اطلع_السلم_خطوه_بخطوه‬‫#‏عافر‬‫#‏الحياة_لعبة‬

منقول عن : Mohammed Shahat

‫#‏ناس_من_ذهب‬

‫#‏مهذبون_معا_نرتقى‬


amer123123

اللهم احفظ المسلمين من شر وسوء المنافقين والخونة والعملاء والكافرين يارب

  • Currently 0/5 Stars.
  • 1 2 3 4 5
0 تصويتات / 31 مشاهدة
نشرت فى 20 يوليو 2015 بواسطة amer123123

ساحة النقاش

عبد الفتاح أمير عباس أبوذيد

amer123123
موقع لغوي تربوي وأدبي وقيمي الرؤية والرسالة والأهداف: رؤيتنا: الرؤية : الارتقاء بالمنظومة التعليمية والتربوية بما يؤسس لجيل مبدع منتمٍ لوطنه معتزاً بلغته فخوراً بدينه رسالتنا: السعي لتقديم خدمات تربوية وتعليمية ذات جودة عالية بتوظيف التقنية الحديثة ضمن بيئة جاذبة ومحفزة ودافعة للإبداع الأهداف التي نسعى إلى تحقيقها · إعداد »

ابحث

تسجيل الدخول

عدد زيارات الموقع

11,120,122