طرق تعزيز الاستقلالية

(1)    دع ابنك يختار.

الأم : تحب تلبس البنطلون الرمادى أو الكحلى

(2)    اظهر التقدير لمحاولاته الجادة.

فبدلا من : الأم : مش هاقدر تحل المسألة ديه لوحدك لازم حد يساعدك فيها. 

يمكنك أن  : الأم  : مسائل القسمة تبدو صعبة مش من السهل تطلع مقام الكسر المشترك أو أد إيه جميل إنك بتبذل المجهود ده لوحدك .

(3)    لا تكثر من الأسئلة.

فبدلا من :

الأم : عملت إيه فى إمتحان النهاردة ؟ كان سهل ولا صعب ؟ كان مين معاك فى اللجنة من أصحابك ؟ طب يللا بينا نحله مع بعض.

يمكنك أن :

الأم : أهلا ..... أهلا ...... أتمنى إنك تكون انبسطت من امتحان النهاردة. 

(4)    لا تتسرع في الرد علي الأسئلة.

فبدلا من :

الابنة : بابا المطر ده جيه منين.

الأب : المطر بيحصل لما تتكاثف الابخرة وتصطدم بطبقات الهواء البارد.

يمكنك أن :

الأب : مم سؤال جميل فعلا ..... بس تفتكرى انتى منين بيجى المطر ؟

(5)    شجع ابنك في البحث عن مصادر أخري.

الابن : بابا أنا مش عارف السمكة بتاعتى شكلها دبلان كده ليه كأنها عيانه.

الآب : بيتهيأ لى صاحب المحل اللى اشتريناها منه ممكن يكون عنده رد على سؤالك .

(6)    لا تحبط آمال طفلك.

فبدلا من :

الابن : أنا هحاول آخذ دور البطولة فى المسرحية اللى هتتعرض السنة ديه فى الحفلة.

الأم : أنا مش عايزه أزعلك بس إنت ما عندكش أى مواهب تمثيلية إنت ممكن تعمل حاجة تانية فى المسرحية.

يمكنك أن :

الأم : مم إنت هتحاول تأخذ دور البطولة ده شئ مثير جدا .... عايزين نتمرن كتير .