التحذير من عشرة أساليب خطأ

نحن كآباء نستخدم حوالى عشرة أساليب لجعل أبنائنا يسيرون وفق ما نراه صحيحا ، وهذه الاساليب هى :-

(1)       اللوم والاتهام

شوف صوابع إيدك معلمة على الباب إزاى ...... إنت ما بتعملش حاجه كويسة أبدا ..... كم مرة قلت استخدم أكره الباب ؟ المشكلة إنك مش بتسمع .

(2)       وصفه بصفات سلبية

الجو تحت برد جدا وإنت لابس خفيف إنت إيه ما بتحسش .

(3)       التهديد

إنت إلمس بس الزهرية وشوف إنا هاعمل فيك إيه .

(4)       الأوامر

اغسل سنانك – رتب حجرتك – لم لعبك – ذاكر

(5)       التحذير

خالى بالك لأحسن العربيات تخبطك .

(6)       الاستعطاف

إنت مش شايف ماما تعبانه أد أيه ، بطل خبط لحسن دماغى  هاتنفجر  .

(7)       المقارنه

إنت ليه ما بتعملش زى أخوك ؟ بيخلص واجباته بسرعة .

(8)       السخرية

إيه البلوفر الشيك والتسريحة اللى تجنن ديه إنت النهاردة هتسمع مجاملات للصبح .

(9)       الأستاذية

إنت كذبت على بخصوص الدرجات الشهر ده خليك كده وهتشوف لما تكبر هتبقى إنسان مالهوش مكان فى المجتمع .

(10)   محاضرة تأديب

تفتكر إنه من الأدب إنك تخطف الكتاب من إيدي بهذا الشكل ، لازم تتصرف زي الناس المحترمة إذا كنت عايز الناس تحترمك.