فوق الغصون
عصفورة طايره مرفرفه
...
بألف لون
جناحاتها حلوة مزخرفه
غنوتها ماليها الشجن
تبكِ على جراح الوطن
مليان صوتها بالوجع
رايح مع صراخ البجع
والطعنه فى قلب الجدع
اه يا بلد
صعبان على قلبى الولد
عطشان وما فيكِ المدد
فى القلب شايل ألف ااه
يبكِ على ذل الحيااه
والغدر واصل منتهاه
ميدان فى قلبى وإترسم
والشعب فيكِ وإتقسم
من غير حدود
ناويه الصعود
وهتبقى يا ام الوجود
أم البلاد الطيبه
الدمعه فيكِ قُرَيبه
والبسمه ناعمه غُرَيّبَه
رغم المصاعب والعناد
مصر يا أم البلاد
محميه من رب العباد
الشاعرة : صفاء محمد
ساحة النقاش