الله يسامح بعض الامهات
الام الشرسة:
تحكي الام بلسانها عن مغامراتها الشرسة مع اولادها(ياليتها سكتت)
اتقول انا لو زعلت على واحد منهم اسوي حاجات مجنونة مثلا اصك الباب على اصابعه,,او اضربه بسلك المكنسة الكهربائية ,,,
او اصك عليه باب الحمام واطفي النور بعد!!
ومرة اتصلت علي اتقول عندك فيفادول ,,قلت لها سلامات ليش؟؟
قالت : عشان ولدي محموم لاني صقعته كف خليته يضرب بالجدر ويجيني راجع !!! وبعدها جاته حمى وانتفخ جنب وجهه الايمن !!
اقولكم كم سن الولد ولا بلا بلاش لاني اخاف صراحه على مشاعركم تتاذى !!
طيب بلاش لكن اقولكم انه اقل من 5 سنوات !!!
اكيد بتقولون ان الام احتمال اتعاني نفسيا او عانت قبل كذا من اهلها!!
برضه باجيب لكم كلامها الي قالت ليه لما عتبت عليها قسوتها !!
اتقول والله مادري من وين جايبة هالنفسيه على اولادي رغم اني البنت الوحيدة
وسط 3 عيال وامي واوبي مايعرفون حتى ينفخون على الكبير كيف الصغير,,
وابوي يمشي في الشارع وفي جيبه حلاوة لو مر طفل قدامه يعطيه ,,, وان عيال الحارة كانوا يسوون له حفلة وهو داخل الحارة ويمشون وراه الى ان يدخل بيته
وان امها شخصية مسالمه وحبوبة وعمرها مامدت يدها عليها!!!
الله يسامحها ,,,,,,,,ويهديها
قولوا امين!!
الام الحريصة
طبعا الحرص زين ,,لكن لما يتجاوز حده ,,يصير مشكله!!
هذي الام بعد 10 سنوات اكتشتفت غلطتها !!
اتقول كان اهم شي عندي الاكل ,,<< عادي وين المشكله كلنا انحب الاكل
لكن هي غير ,,,اتقول لما كانوا اطفالي عمر سنة وسنتين كنت كل ساعه لازم
ياكلون ,,,والصحن الي احطه قدامهم لازم يخلصونه ...واحيان بالليل اجي فوق
روسهم وهم نايمين واقول : ياربي ايش كان جدولهم الغذائي اليوم؟؟!! اكلوا زين
ولا لا؟!!,,ناموا جيعانيين ولا شبعانيين؟!!...واحيان اتحس بتانيب ضمير وتجري
على علبة حليب الصافي او السعودية <<اتسوي دعاية
المهم انها تفتح الحليب وتهز كتف طفلها الى ان يصحصح شوي وتعطيه الحليب
يمصه ولما يخلص اتشيله لدورة المياه الله يكرمكم واتفرش اسنانه واترجعه <<ياليل مااطولك
واحيان مايرضى الطفل يصحى ,,ولا يستجيب لوسوستها ,, فترضخ للامر الواقع لكن تقسم ايمان انها ماعاد تكرر غلطتها وتجوع اطفالها !!!!!!!!!
ولما يكبروا اولادها ويبلغوا سن 5 او 6 سنوات اتراقبهم هل لما يصحوا يفطروا او يجلسوا ساعة او ساعتين مافطروا؟؟!!,,,ولو ماطللبوا فطورهم بهالساعتين
اتعاقبهم ,,وتوبخهم ليه مافطرتوا ولا اهتميتوا بصحتكم اصلا؟!!
وماشاء الله عليها تعبها واضح باولادها وصايرين ( حلوين ومزئططين )<<جيبوا مترجم مصري
لكن اتعاني بعد مايصيوا اولادها بسن ال5 سنوات فمافوق !!
اقول انقل لهم العدوى ويصير عندهم نفس اهتمامي : لازم ناكل ياماما ,,,
نحن نعيش لناكل ولا ناكل لنعيش!!
اولادها صاروا يفكروا بالاكل على طول,,,ودايما جيعانيين ,,والوزن بازدياد ,,,
وهنا المشكله!!
بالاضافة الى الوزن الزائد الغير مرغوب ...ايضا الاحراجات الي اتصير لها
لما يزوروا احد او يزوهم احد؟؟!!
اتقول غلطت وخليت اولادي مثلي رغم ان نيتي كانت ان الطفل مايعرف مصلحة
نفسه ولو نقص شي في غذائه ممكن يتاثر صحيا او عقليا,,,,والان اتجاهد
اتسوي ريجيم لاولادها واتحاول تزرع فيهم الحكمة المشهورة : نحن ناكل لنعيش
ولسنا نعيش لناكل !!
الله يسامحها ويعينها على التوازن في الحياة ويمتع اطفالها بالصحه والعافية .
الام المهملة
باب شقتها دايما مفتوحا..رغم ان عندها اطفال صغار...اتقول عادي العمارة امان !!
وكم مرة يجيبوا بنتها الصغيرة من الشارع بعد صياح ونياح وبحث عن البنت المفقودة!!
وهالطفلة الصغيرة تلبس ( حفاظ ) وكم مرة تطلع بدونه وتلعب بالعمارة ,,
واتقول امها انها فلتت من قدامها وهي تلبسها وانها ترسل اولادها يجيبوها لكن
يعجبهم الشارع ويختفون كلهم عن عيونها ,,وكم مرة يشيفوها الجيران
راميه عبايتها عالسريع على راسها وجالسه اتطارد اولادها وبنتها الصغيرة في ا
لشارع واتسحبهم للشقة وصوتها يوصل للدور الخامس!!
الله يهديها بس.
الام المتملقة
تدعي انها ام حنونة ومثقفة وتحاول تطبق الطرق الحديثة بالتربية مع اطفالها ولايمكن ان يثور غضبها عليهم.
مثلا اتقول انا لايمكن اضرب اولادي ولا اعصب عليهم حرام ياختي لسه (لحم ني) ولسه بريئين شو ذنبهم ؟؟!!
وفي الحقيقة والواقع ان اقسى منها مافيه على اولادها..اتقول وحده من الجارات :
كنت جالسه معها بالصالة وغمزت الام لبنتها 8 سنوات والبنت صارت ترجف وشوي
الا الثنتين اختفوا من الغرفة وماتسمعين غير صوت (جلد ) وبكا !!!
وترجع الام للصالة وكأن شيء لم يكن ,,المشكله اتقول انها رجعت رايقة وتضحك
ولاباين عليها سوت شي!!
طبعا الاطفال يطلعون فضايح العائلة !! وكثير ماكانت البنت واخوها يشكون قسوة
امهم وضربها المبرح بالحزام!!
الله يهديها وتترك النفاق عشان ماتنقل هالصفة الكريهه لاولادها.
الام الهبلة:
في عصرها كان الشارع امان ,,وكان كل اولاد الجيران يلعبوا بالشارع امر
غير مستنكر,,,واول ماتزوجت وخلفت تركت اولادها يعيشوا زي الماضي
الي عاشته ,,ومافكرت تمنع ولدها لما كبر شوي انه يلعب بالشارع
وياخذ راحته بالحارة!!
صار الولد بالمتوسط وهو لسه يكون بالشارع اكثر مايكون بالبيت!!
يلعب كورة ,,ويسوالف مع اصحابه ,,ويفسح نفسه!!
على بالها الشارع يربي الولد!!
فكر بالي ,,وتربية غبية!!
بعد ماتاثر مستوى الولد الدراسي وكثر رسوبه بدت تعرف ان فكرتها غلط عن
الشارع الان ,,وانه لم يعد فيه امان ,,وان الكلاب الضالة فقط هي من تجوب الشوارع!!
الله يهديها ويصلح لها اولادها
الام الانانية
تغار لو زوجها مدح بنته!!! الي هي بنتها !!
اتقول ليش يشوفها احلى مني؟؟!!لازم يدلعني زي مايدلعها ؟؟!!
و اقسمت انها اتقول الحقيقة وان هذا شعور خارج عن ارادتها !!
اتقول لما اروح السوق افكر بنفسي اول !!
واطفالي ابوهم يتكفل فيهم!!
زياراتها كثير ,,,واعتمادها على الخادمه اكثر !!
توظف الخادمه بودي كارد لاولادها ,,وتعطيها الصلاحيات لعمل كل شي واي شي
المهم لااحد يجي يشتكي سواء الخادمه او اولادها لانها راح اتعاقب الجميع !!
عندها بنت مراهقة ,,وطبعا الام مو فاضية لوجع الراس وهموم المراهقات ,,,
فارسلتها لجدتها تتكفل فيها وبينت للجميع انها تركتها عند جدتها ترعااها وتسليها
وهي في الحقيقة تبي الفكة من المسؤوليات قدر الامكان.
تحب اتعيش لنفسها ومتعتها وتكره المسؤوليه والعمل من اجل الواجب!!
الله يهديها
وكثير امهات ...الله يسامحهم
وكثير امهات عظيمات الله يبلغهم هدفهم ويصلح اولادهم ويؤجرهم على تعبهم فيهم .............