(سالوفة مضايف)
منين مخلوقة الحبيبة ؟!
منين ماكظچ ترافه
من عسل .. ؟
من طين حري ؟
من حرير…… ؟
صوتچ ايزيل المشانق
ينكسر قيد الاسير
ايزيح من الليل حزنه
وينتشي ابنغمة صبح
مثل الامير
وهذا حالي…
صوتچ ..ايحل من رگبتي
حبل موتي…
الوحدة موت…
وإنكسر من چفي قيدي
وچنت أسير بسجن
غرفة…
وحدي بس بعيوني ادير ..
خضريتي بوسط داري
ياسمين ورازقي
يگطرن عبير
بيچ شفت الدنيا
سالوفة مضايف
بيچ شفت العسل ينگط
بالشفايف ..
والشتا من غير طولچ زمهرير…
وصيفي هسه اعرفته
گبلچ…
چان كل ماي الاشربه…
مالح وچن ماي بير
وهسه دنياي بوجودچ
حلوه يم شعر الحرير
#عبدالامير…
ساحة النقاش