( أنا التايه )
أنا التايه بين ظلم
الناس وظلم الدنيا ليا
أنا عايش علي فتاتهم
عجباكوا العيشه ديا
أنا الموجوع بصوت مسموع
ولا حد فكر يمسح دموع عينيا
أنا الماضي أنا الحاضر
انا من زمان والدنيا بتعاند فيا
حتي القسوه جوا
البشر وماتت معاهم الحنيه
الغني بيزداد غني مفكرش
يوم يجي ويسأل عليا
يفتكر الظالم بس اللي
زيه ومعاه ودايما يتقرب إليه
كإنه إتفاق بينهم مكتوب
وتملي قلبه عليه
وكإن الغلبان دا
مرض وممكن يعديه
والدنيا بطبيعتها قاسيه
دايما وجايه علي الغلابه
نسيت إنهم طبقه محتاجه
بس هتقول لمين ماإحنا
للأسف طلعنا عايشين في غابه
والكل ماشي متفرعن
وعاملين فيها ديابه
مش مهم في نظرهم المهم
يدوسوا ويبقوا اصحاب السياده
وأنت ياغلبان مش عايز
اي شئ منهم زياده
غير إنهم يكفلوك
وتسكن جوا قلبك السعاده
ويفهموا إنك آدمي وزي الساده
بقلمي الشاعر محمد غبن
شاعر آل غبن
2019/5/9. .
ساحة النقاش