الطرَّه والنقش
علمتا الطرّه والنقش
ولما كبرت ياخيي
صارت تبحش قلبي بحش
رحت بلاد غرب وشرق
وشفت عباد متل الورد
مادقلن قلبي الرد
أتاري القلب عشقان
من يوم الطرّه والنقش
كانت لعبه لاللصغار
تاري الحلوه بقلبي نقش
عاذكراها القلب طار
صار يحن لأهل الدار
للأهل والقراييب
ورفقات العمر لصغار
حنيت وماعد أعرف
بعد ما كبرو شو صار
وقررت رجوعي بإصرار
ولمّا وصلت ياعمري
كانت أولهم بالدار
نجمة صبح وقمر ليل
عيونا تغزل بالفرح
ودمعاتا نهر مدرار
والبسمه مع الدمعه
بجمالا الخالق محتار
طار القلب من الفرحه
ووقعت طرّه بالدار
بقلمي ناصر وسوف
ساحة النقاش