الوجع إبراهيم خليفة رمضان
ساعة ما أنام كان ب يناوشني حلم
الحلم اخضر فارد راياته
لكين أرضه فيها الوجع بيئن
سلام يا صاحبي في اللقا وقبل المغيب
أنا رايح بلا مخله
بلا صديق يونس الوحده
انا رايح ارجع الوحده
جايز أغيب شهر ولا سنه
لكن هاعود فارد قلوع العيد علي كتفي
شهيد ولا بيدي أكون ضحية
طمع ابن عمي
وسط الديابه التعالب
والحلم ارويه بدمي
يا دمعتي السايله علي خدودي
الأخ وأخوه هما اللي ساقوكي
سيل بيجري من عري جفوني
وصراخ وليه ب ينشع علي أوداني
دلوقتي يا بشر
لمين ابكي لمين احلم
لمين دمعتي تجري
دا ما بين ضلوعي جمر
تطلع آهه تنبشني
توشوشني كلمة مكتومه
اف طريق طويل مسحور
الف اجناحي والومه
علي قلب بالونه
ملاها الهوي ف ابو الزعابير