قصيدة عن الأم نهديها لكل الامهات الفضليات



تقول كلماتها



من أول ماشافت عينى ... لقيتك يااميمة قدامى
وفحضنك وين ضميتينى ... قلت اسمك وبديت كلامى



من أول ماقلت اميمة ... طلعت كيف عسل فى فمى
ليها قدر وشان وقيمة ... هى كلمة تسرى فى دمى



هى حب وماليه حدود ... هى وطن مليان ورود
هى اروع واحلى انسانة ... تحملنى شيالة همى



من غيرك يحمل زلاتى ... وفكل همومى يواسينى
بوجودك نورتى حياتى ... ياحبيبة قلبى ياأمى



من أول ماشافت عينى ... لقيتك يااميمة قدامى
وفحضنك وين ضميتينى ... قلت اسمك وبديت كلامى